2 Sunda Hamuleinid’a 32:1 - Bible azumeina

¹ Bugol sun nda irat ta Ezekiyas mi lata, Sanakerip amul ma Asiri-na, mi kal kur leu d’a Juda-d’a, mi ngui azì ma nglo ma ad’eng ma ngunguna, kur djib’er mamba ala mi hlumu.

2 Sunda Hamuleinid’a 32:1 ပူးပေါင်းရင်းမြစ်များ

2 Amuleina 15:19

Pul amul ma Asiri-na mi mba á dur ayîna kandaga d’a Israel-la, wani Menahem mi hum kawei ma hapma tonna dok hindi á ndjunum á siram ad’u amul mamba kä ngingring.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 18:11

Amul ma Asiri-na mi yo Israel-lâ magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

2 Sunda Hamuleinid’a 32:2

Kid’a Ezekiyas mi we d’ala Sanakerip mi mba wa á dur ayîna ki suma Jerusalem-ma d’a,

2 Sunda Hamuleinid’a 35:20

Bugol ahle ndazina, kid’a Josiyas mi min gong nga kud’ora hi Ma didinid’a yat ma b’lak keina akulo minda, Neko amul ma Ezipte-na mi i Karkemis avun alum ma Efrat-na á dur ayîna. Josiyas mi nde ngavam á durâ.

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 36:1

Kur biza d’a dogo yam fid’i d’a Ezekiyas nga mi tamulid’a, Sanakerip amul ma Asiri-na mi mba á dur ayîna kazì ma nglo ma Juda ma ad’eng ma ngunguna pet, mi yomu.

Isai 37:37

Ata yi máma Sanakerip amul ma Asiri-na mi hô kang mama, mi hulong kur aziyam ma ngolâ Ninif, mi kak sä kua.

Wana ni mbaktumba hi Oze-d’a 11:5

Azi mba hulong Ezipte d’i, wani amul ma ngol ma Asiri-na mba mi tamula kaziya, kayam azi noî á hulongî gevenu.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.