2 Sunda Hamuleinid’a 31:5 - Bible azumeina

⁵ Kid’a zla ndata ti b’rau woi aduk suma peta, Israel-lâ a he geme ma ne avo’â, süm guguzlud’a, mbulâ, mbul ayuma kahlena pet suma a zumuzi kur asinenina, a mba ki dima hahlenina pet mi.

2 Sunda Hamuleinid’a 31:5 ပူးပေါင်းရင်းမြစ်များ

Nehemi 12:44

Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata,

Nehemi 13:12

Ata yi máma suma Juda-na a nde mba ki dim ma awuna ki dim ma süm ma bei ned’a ki dim ma mbul olifâ kur gong nga ngom ahlena.

Nehemi 13:31

an he vuna yam he d’a hawad’a hagu ma ngala ala a mbam ata yima a ngama kawu ma ne avo’â mi. An tchen Alona kua ala: Alo mana, ang djib’er kanu, ang wan hohowon mi.

Buzuk ka Abud’a 22:29

Agi lagi lilinga á han awu magina ki vud’agu magi ma ne avo’â d’i. Agi handï grogi suma a vut avo’â.

Buzuk ka Abud’a 23:19

Agi mbagi kahle magi suma a ne avo’â mi an Ma didina Alo magina. Ar agi yagi gor ahuna kambira hasumba d’i.

Buzuk ka Abud’a 34:22

Agi lagi vun til ma Pantekot-na ata yima agi nga vagi yam awu ma avo’â hi vun til ma duta ata vun dabid’a hi bizad’ina.

Buzuk ka Abud’a 34:26

Agi mbagi kahle suma a ne avok kur asinegina kur gonga hi an Ma didina Alo maginid’a, ar agi yagi gor ahuna kambira hasumba d’i.

Buzuk ka Abud’a 35:5

Agi pad’agi vun ahle magina mi Ma didina. Suma pet suma a nga ki hur ma djivinina a mba ki he d’a hawa d’a teteng nga azi pad’at mi Ma didina ndata, nala, lora, kawei ma hapma, kawei ma hleuna,

Zla d’a d’ogolâ 3:9

Ang he ngola mi Ma didina ki bege manga kahle mang suma a ne avo’â ki suma a vut avo’â pet mi.

Sunda hi suma hi Levi-nid’a 27:30

Ahle suma a zumuzi yam andagad’ina pet, le nawuna d’oze vut aguna, nala, ahle suma a handji dimina pet, a arî ahle suma a tinizi irazi vazi mi an Ma didinina ki irazi fafatna.

Ndumba 18:12

An hang ahle suma avok suma a mba handjina, nala, mbul ma djivi ma kalâ pet, süm guguzlu ma ayî ma kalâ kawuna mi.

Ndumba 18:13

Ahle suma navok kur asine suma a mba handji mi an Ma didinina, a mba arî mangâ. Sama lara ma avo hatang ma yed’etna, mi ndak á taziya.

Ndumba 18:8

Ma didina mi de mi Aron ala: Gola! An hang sun nda ngom he d’a hawa d’a Israel-lâ a nga handjid’a, an hangzi kahlena pet suma Israel-lâ a tinizi irazi vazina mi ang ki grongâ. A arî b’rau manga kandjavang ki iragi fafat.

Romê-na 8:23

Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a.

1 Korente-na 15:20

Wani ki tchetchemba, Alona mi tchol wa Christ akulo aduk suma matna. Mam mi Ma tchol akulo avok aduk suma a bona.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.