2 Sunda Hamuleinid’a 30:8 - Bible azumeina

⁸ Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

2 Sunda Hamuleinid’a 30:8 ပူးပေါင်းရင်းမြစ်များ

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

1 Sunda Hamuleinid’a 29:24

Nglo suma te yamba ki suma nglo suma dur ayîna kamulâ David groma pet a ge yazi kä ad’u amulâ Salomon.

2 Sunda Hamuleinid’a 28:11

Agi humun-ngiya! Agi tchugugi b’oziyogi suma agi yozi ndazina akulo, agi arazi a i avo hataziya, kayam Ma didina hurum zal ngola kagiya!

2 Sunda Hamuleinid’a 28:13

a dazi ala: Agi nga kalagi ki suma agi yozi ndazina ka hî d’i! Agi lagi ni sun nda mbud’i tcho d’a kala avok Ma didinid’a, agi mbagi ki tcho d’a ngola kei kua! Ki tchetchemba, zlad’a nga kei da’, Ma didina hurum zal wa ngola yam Israel-lâ!

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

2 Sunda Hamuleinid’a 6:5

Dedei d’a an buzugï sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i, an man nga sa á tak lovota mi man suma Israel-lâ d’uo mi.

2 Sunda Hamuleinid’a 6:6

Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

2 Sunda Hamuleinid’a 7:16

Ki tchetchemba, an man wa gong ndata, an tinit wa irat vat kayam simiyên mi yi kua burâ ki burâ, an mba ni tin iran ki hurun pet kat burâ ki burâ mi.

Esdras 10:14

Ar mei suma nglona a ar kä yam ablau d’a peta. Suma kur azì mei ma nglonina pet suma a vik andjaf arop suma dingîna, a mbei kur bur ma a ngama, zlapa ki suma nglona ki suma ka sariya suma kur azì ma ngol ma lara ge pet, gak hur ma zala hAlo meinina mi vat tei kei yam tcho ndata tua.

Esdras 10:19

A hle vunazi á dik amiyôzina, a he gamlâna he d’a hawad’a yam tcho mazid’a mi.

Sawal la giled’a 63:2

Alona, angî Alo mana, an nga ni halangû, zlang nga d’i lanu, an nga ni hat hurun kang d’igi andaga d’a so d’a mbiyona nga mi ndagat tuo d’a na.

Sawal la giled’a 68:24

Agi mba mired’ezi buzuwazi kä kasegiya, ar adurei magina a tazi harazi mi.

Sawal la giled’a 68:31

Ang ngop ambur ma aduk tchereunina, nala, Ezipte, ang ngop ades amuzlei suma andjofâ ki grozina, nala, andjaf suma dingâ, ang hulongôzi yazi kä gak a mba á hang bege d’a hapa he d’a hawad’a, ang ndjoî andjaf suma a min dur ayînina woyo.

Sawal la giled’a 73:17

gak bur ma an kal kur gong mang nga kud’orina. Ata yi máma an wäd’u dabid’a hi suma asa’atnid’a.

Sawal la giled’a 78:49

Hurum zal kazi ngola heî, nga mi djulul kayîna, mi mbut d’igi sama guruta na, mi sun malaika suma a le suma tchod’ina ataziya.

Buzuk ka Abud’a 32:9

Ma didina mi de mi Moise kua ala: An we sum ndazina; ni suma bei hum vuna.

Jeremi 50:15

Agi nguyugizi ki sor ra ayîna. A nga bar aboziya, aziyazi nga mi dris kä, gulumun mazina nga mi to kä woyo, kayam ni bur ma sä atchugula hi Ma didinina. Agi sagi atchugula ki sed’eziya! Agi lazi d’igi azi ladjeu na mi!

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Romê-na 10:21

Wani mi de zlad’a yam Israel-lâ hina ala: An nga ni mat abon burâ ki burâ mi suma bei ge yazi kä suma bei hum vunina.

Romê-na 6:22

Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.

Gat ta a hat á mbàd’id’a 10:16

Agi hagi hurugi pet mi Ma didina, agi lagi yam mba ad’enga d’uo d’a.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

Gat ta a hat á mbàd’id’a 6:17

Wani agi ngomogi vun ma hed’a ki gat ta teteng nga Ma didina Alo magina mi hagizid’a djiviya.

Josue 24:15

Le agi min á lagi sunda mi Ma didina d’uo ni, agi managi sama agi min lum sunda inina. Agi lagi ni sunda malo ma abuyogi ngolo a kud’uromï abo alum ma sä abo hî na d’oze malona hi suma Amor suma agi nga kaka yam ambas mazid’ina zu? Wani an ki sum mana, ami lami ni sunda mi Ma didina!

Vama ndum mbeina 7:15

Kayam ndata, azi nga tchola avok zlam mba amula hAlonid’a, a nga le sunda mAlona andjege ki falei kur gong mamba. Mam ma nga kaka yam zlam mba amulina mba mi tin iram kaziya, mba mi ngomozi mi.