2 Sunda Hamuleinid’a 30:10 - Bible azumeina

¹⁰ Suma a sunuzi ki mbaktumbina a nga i kur azì ma nglona teteng yam ambas sa Efraim-mba, yam ambas sa Manase-d’a, gak a mba yam ambas sa Zabulon-nda, wani a nga san ad’uziya, a nga lazazi mi.

2 Sunda Hamuleinid’a 30:10 ပူးပေါင်းရင်းမြစ်များ

Ad’u Tinda 19:14

Lot mi i fakuniyôm suma a nga tit yam gromina, mi dazi ala: Agi tchologi atogo zak! Agi buzugugi woi ata yima wana kayam Ma didina nga mi b’la’î azì máma. Wani akuniyôma a golomî d’igi mam dazi ni zla d’a sanda na.

2 Sunda Hamuleinid’a 30:6

Suma a tchuguzi sundina a i ki mbaktum mba amulâ mi b’irit ki mam suma sundid’a kur azì ma Jerusalem-ma kazì ma Juda-na pet. Yam vun ma hed’a hamulîna, a de mi suma ala: Agi Israel suma sud’ugi woi avun ayîna abo amulei suma Asiri-nina, agi hulongôgï gen Ma didina Alona hi Abraham-ma, Alona hi Isa’â, Alona hi Israel-lîna.

2 Sunda Hamuleinid’a 34:9

Sum ndazina a i gen ma ngol ma ngat buzuna Hilkiya. A hum bege d’a a yod’ï kur gonga hAlona d’a suma hi Levi suma a ngom vun gonga a i vat abo suma hi Manase-na, abo suma hi Efraim-ma kabo Israel suma dingîd’a, zlapa ki bege d’a a vat abo suma Juda-nid’a ki d’a a vat abo suma Benjamin-nid’a pet ki d’a a vat abo suma avo Jerusalem-mid’a mi.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Ester 3:13

A sun mbaktumba abo suma sunda yam ambas sa amulâ nga mi te kata pet ala: A i b’lak Juif-fâ woyo, a tchazi woyo, a dabazi woi pet, nala, azungeîna, momorogeina, kemba karopma kur bur ma tuna, nala, kur bur ma dogo yam hindina hi til ma dogo yam mbà ma a yum ala Adar-râ, ar a hurumuzi ahligiyezi mi.

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Ester 8:10

A b’irit ni ki simiyê amulâ Asuwerus, a tin tampong mama kat mi, a sunut ni kakulumei suma a djang heîna hamulîna.

Ester 8:14

Suma sunda a ful yam akulumei suma a djang heîna hamulîna, a i ki vun ma hed’a hamulîna atogo zazak, a tchum walam mbei kur azì ma ngol ma Sus-sâ mi.

Wana ni mbaktumba hi Job-pa 12:4

Ata yima an yAlona mi hulongôn humbina, an mbut ni sama buniyôma a san ad’uma! An sama irat ma d’ingêrâ, ni mbut ni vama sanda!

Wana ni mbaktumba hi Job-pa 9:25

Burun mi kal atogo kal sama sunum ma ring atogo za’â, mi kal bei mi we djivid’a ba!

Jeremi 38:19

Amulâ Sedekiyas mi hulong de mi Jeremi ala: An nga ki djib’era yam Juif suma a i aduk suma Babilon-nina, an nga ki mandarâ tala azi mba han abozi á lazan zi ge d’a.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Wana ni Zla d’a Djivi d’a Luc mi b’irita 23:35

Suma a nga tchola á golomu, wani suma te yamba a nga lazamu, a nga dala: Mi sut suma dingâ; le mi ni Mesi ma Alona mi manama ni, ar mi sut tamu!

Wana ni Zla d’a Djivi d’a Luc mi b’irita 8:53

Azi nde lazamu, kayam azi we ti mit da’.

Sunda hi suma a sunuzinid’a 17:32

Kid’a azi hum zla d’a de d’a yam tchola hi suma matnid’a, suma dingâ a lazamu. Wani suma dingâ a dum ala: Ami min hum zla ndata avunang kua.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.