2 Sunda Hamuleinid’a 29:3 - Bible azumeina

³ Kur biza d’a avok ka mi tamulid’a, kur til ma avo’â, mi mal vun gong nga kud’ora hi Ma didinid’a woyo, mi min yima mi b’lak keina akulo.

2 Sunda Hamuleinid’a 29:3 ပူးပေါင်းရင်းမြစ်များ

2 Sunda Hamuleinid’a 28:24

Ahas mi tok ahle suma kur gong nga kud’ora hAlonid’ina, mi b’lagazi woi kakazeî, mi duk vun gonga hi Ma didinid’a akulo, mi min yima ngal ahle suma ngat buzuna woi kur yima Jerusalem teteng.

2 Sunda Hamuleinid’a 29:17

A tin ad’ud’a á mbut hur gongîyona yed’et ni kur bur ma avok kikidjina hi tilîna. Kur bur ma klavandina, a mba avun gulumuna hi gong nga kud’orina. A le burâ klavandi á mbut hur gongîyona yed’et mi. Kur bur ma dogo yam karagayana hi til mámina, abozi mi dap sunda.

2 Sunda Hamuleinid’a 29:4

Mi yi suma ngat buzuna ki suma hi Levi-na, mi togozi ata yima abo ma yorogona,

2 Sunda Hamuleinid’a 29:7

A i gak a duk vun gulumuna hi gong mam mba kud’orina akulo, a tchi lalamba woyo, a nga ngal dubang ma his djivid’ina d’oze a nga he he d’a hawa d’a ngala yam yima a tinim iram vama d’i.

2 Sunda Hamuleinid’a 34:3

Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.

Sawal la giled’a 101:3

An mba ni tin iran yam vama tcho tu d’i. An noî sunda hi suma a hulong á tuwal fileinina woyo, an mba ni zlap ki sed’ezi d’i.

Buzuk ka Abud’a 40:2

Kur bur ma avo’â hi til ma avo’îna, ang ve zlub’u d’a ngaf ta d’a a tinit irat vata akulo.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Galat-na 1:16

Kid’a mi nga hurum á tagan Goroma kayam an tchi wal Zla d’a Djivi mamba mandjuf suma dingâ d’a, ata yi máma, an hal nga wad’ud’a hi sa d’i.