2 Sunda Hamuleinid’a 28:16 - Bible azumeina

¹⁶ Kur atchogoi ndata amulâ Ahas mi sun ata amul ma Asiri-na ala mi ndjunumu,

2 Sunda Hamuleinid’a 28:16 ပူးပေါင်းရင်းမြစ်များ

Isai 10:20

Kur bur máma Israel suma a arâ, nala suma hi Jakob suma a sutna, a mba ar bei deng tazi ata ma tozina, wani a mba deng tazi ki hur ma tinda yam Ma didin ma tin tam irat vat yam Israel-lîna.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Jeremi 2:18

Ki tchetchemba, ni djiviya me kagi á hulongôgi Ezipte á tchagi mbiyo alum ma Nil-lâ ge? Ni djiviya me kagi á hlagi lovot ta Asiri-d’a á tchagi mbiyo alum ma Efrat-na ge?

Jeremi 2:36

Ni kayam me ba, agi mbud’ugi djib’er magid’a atogo hina zak á mbud’ugi lovot magid’a ge? Zulona mba mi vagï avo Ezipte, d’igi mi vagï avo Asiri na mi.

Ezekiyel 16:28

Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.