2 Sunda Hamuleinid’a 26:7 - Bible azumeina

⁷ Alona mi ndjunum mi dur ayîna ki suma Filistê-na ki suma Arap suma a nga kaka Gur-Bäl-lâ ki suma Mawon-na mi.

2 Sunda Hamuleinid’a 26:7 ပူးပေါင်းရင်းမြစ်များ

1 Sunda Hamuleinid’a 12:18

Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala: David, ami ni sum mangâ! Ami imi nad’ung ang Jesse goroma! Ar va mi lang ngi! Suma a ndjunungâ, va mi lazi d’uo mi! Kayam Alona mi ndjunung wa da’! David mi vazi atamu, mi tinizi nglod’a yam sum mama.

1 Sunda Hamuleinid’a 4:41

Kur atchogoid’a hi Ezekiyas amul ma Juda-nid’a, suma nglo suma avok suma a b’irizi simiyêzi wana, a mba yam andaga ndata, a b’lak zlub’u d’a kaka ki yima kaka handjaf suma hi Ham-mina woyo, a dap suma tchid’a mi. Sum ndazina, sa fazi nga yazi d’uo gak ini. Azi ar tazi a kak blangâziya, kayam hatna mi nga kua yam d’uwar mazina.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

1 Sunda Hamuleinid’a 5:22

A tchi suma kua ablaud’a heî, kayam ayî máma mi tcholï nata Alona. A vrak kaka blangâzi gak mba kur atchogoi d’a a yozi magombid’a.

2 Sunda Hamuleinid’a 14:10

Asa mi tchen Ma didina Alo mama ala: Ma didina, ang ndak á ndjun sama ad’engâ d’oze ma amangeîna. Ma didina Alo mamina, ang mbeï ndjunumiya, kayam ami dengêmi tami natangû. Ni yam simiyêng ba, ami mbami durâ ata suma mimiyâk suma wana wana. Ma didina, angî Alo mamina. Ar sana mi kus ayîna kang ngi.

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

2 Sunda Hamuleinid’a 17:11

Suma Filistê-na a mba ki he d’a hawad’a mi Josafat, a hum bege d’a hapa tara mi. Arap-ma a mbam ki gamlâna 7700 ki mbekmberena 7700 mi.

2 Sunda Hamuleinid’a 20:1

Bugol ahle ndazina, suma Mowap-ma ki suma Amon-na zlapa ki suma Mowan-na a mba á dur ayîna ki Josafat.

2 Sunda Hamuleinid’a 21:16

Ma didina mi zut suma Filistê-na ki suma Arap suma go ki suma Etiyopi-na á dur ayîna ki Joram.

2 Sunda Hamuleinid’a 25:8

Le ang i wa ki sed’eziya, le ang mba tchol ad’enga kur ayî ma durâ pî, Alona mba mi kang aseng azlard’eîd’a avok mang suma djangûna, kayam Alona mi nga kad’enga á ndjun sana, mi nga kad’enga á kam asem azlard’eîd’a mi.

Sawal la giled’a 18:29

Ma didina, angî lalam man nda b’o yina, Alo mana, ang b’o yima nduvun ma an nga kurâ woyo.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.