2 Sunda Hamuleinid’a 26:16 - Bible azumeina

¹⁶ Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina.

2 Sunda Hamuleinid’a 26:16 ပူးပေါင်းရင်းမြစ်များ

1 Amuleina 12:33

Kur bur ma dogo yam vahlâ hi til ma klavandi ma mam ngam mi tinim yam mam tam Jerobowam-ma, mi i Betel á le vun tilâ ki Israel-lâ. Kur bur máma mam tamba mi i á hahle suma ngat buzuna yam yima ngal ahle suma ngat buzuna mi.

1 Amuleina 13:1

Wani Ma didina mi he vuna mi sa mama. Kayam ndata, mi tchol yam ambas sa Juda-d’a, mi i avo Betel. Ata yima mi mbazina, mi fe Jerobowam nga mi ngal ahle suma ngat buzuna akulo yam yima ngal ahle suma ngat buzuna.

2 Amuleina 14:10

Jowas mi dum kua ala: Kayam ang kus yam suma Edom-ma, ang nga hle yang akulo, ang nga subur ki tang wana. Kayam ndata, ar ang kak avo hatangû! Ni kayam me ba, ang hal ayîna á mba ki ndaka kang á tchang zlapa ki suma Juda-na ge?

2 Amuleina 15:5

Ma didina mi tum Azariya ki libina. Mi kak kur azì ma dingâ woi vam gak mat mama. Goroma Jotam mi kak kur azì ma amula, nga mi te yam suma kur ambasina.

2 Sunda Hamuleinid’a 12:1

Ata yima Robowam leu mamba fad’enga mam tamba mi sira ngingi mi na, mi ar gata hi Ma didinid’a woyo. Israel-lâ pî a ar gata hi Ma didinid’a woi ki sed’em mi.

2 Sunda Hamuleinid’a 25:19

Jowas mi dum kua ala: Ang djib’er kurung ala ang kus yam suma Edom-ma da’! Ni kayam ndata ba, ang nga hle yang akulo, ang nga subur ki tang wana. Ar ang kak avo hatangû! Ni kayam me ba, ang nga hal ayîna á mba ki ndaka kang á tchang zlapa ki suma Juda-na ge?

2 Sunda Hamuleinid’a 26:15

Mi tin masin ma sama d’alâ mi lum kur gong nga fiyak ka ndjol la a minit yam yima gulumuna kong kuana, kayam mi yet suma djangûna ki yeûd’a, mi duruzi kahina d’a nglod’a mi. Oziyas zlam nde yina ata yima deina, kayam Alona mi lahle suma atchapma ki sed’em gak ad’um b’al kä ad’enga ngingi.

2 Sunda Hamuleinid’a 27:2

Mi le sun nda d’ingêra avok Ma didina pepet d’igi abum Oziyas na. Wani nga mi kal kur gong nga kud’ora hi Ma didinid’a d’i. Hina pet pî, suma a d’op nga lovot mazid’a avok Ma didina d’i.

2 Sunda Hamuleinid’a 32:25

Wani Ezekiyas mi hulong nga djivid’a yam djivi d’a Alona mi lumzid’a d’i, wani mi hle yam akulo. Kayam ndata, Ma didina hurum zal kam ki suma Juda-na ki suma Jerusalem-ma mi.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.

Daniel 8:8

Mbekmbere máma mi mbut ngola kala. Ata yima mi mbut ad’enga dana, adivim ma ngol ma atchap máma mi kus seyo, adifâ mi deî balum adivim ma atchap máma fid’i ngad’a yam simet ma abo ma fid’inina.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Ndumba 16:1

Ma ad’u andjafâ hi Levi ma a yum ala Kore-na ni Jisar goroma, ni ma ad’u adesâ hi Kehat-nina, mi yo suma hi Ruben-na ad’um hindi, nala, Datan azi ki Abiram Eliyap goroma ki On Pelet goroma mi.

Ndumba 16:18

Kore ki sum mama a hum zla ndata. Nge nge pî mi hle va mam ma yo akud’a mi tchuk gordjona kuru, mi tchuk dubang ma his djivid’ina kad’u, a mba tchol avun zlub’u d’a ngaf tad’a. Moise azi ki Aron a mba mi.

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Ndumba 16:7

Ndjivin agi tchugugi gordjona kuru, agi vogi dubang ma his djivid’ina kua avok Ma didina. Ei mba weya, ni nge ba, Ma didina mi manam ge? Ni nge ba, ni ma mi tinim iram vama ge? Agi suma hi Levi-na, agi kalagi ir zlad’a woi heî!

Ndumba 17:5

Sama an manama, totogo mamba mba d’i d’uva. Hina wani, an mba ni d’el gureî d’a Israel-lâ a nga guruyôt kagid’a avogonu.

Gat ta a hat á mbàd’id’a 8:14

agi gologi tagi djiviya, ar agi maragi yam Ma didina Alo magi ma buzugugï woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 8:17

Agi gologi tagi djiviya! Ar agi dagi kurugi ala nad’eng magid’a ki sib’ik magid’a ba, ti fahle suma ndjondjoî ndazina d’i.

Kolos-sâ 2:18

Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,