2 Sunda Hamuleinid’a 26:15 - Bible azumeina

¹⁵ Mi tin masin ma sama d’alâ mi lum kur gong nga fiyak ka ndjol la a minit yam yima gulumuna kong kuana, kayam mi yet suma djangûna ki yeûd’a, mi duruzi kahina d’a nglod’a mi. Oziyas zlam nde yina ata yima deina, kayam Alona mi lahle suma atchapma ki sed’em gak ad’um b’al kä ad’enga ngingi.

2 Sunda Hamuleinid’a 26:15 ပူးပေါင်းရင်းမြစ်များ

2 Sunda Hamuleinid’a 2:14

Abumî ma Tir-râ, asumî d’a ad’u andjafâ hi Dan-nid’a, ni sama we suna lora, kawei ma hapma, kawei ma hleuna, kawei ma wurana, ahinad’a, aguna, baru d’a hleu d’a sisila ki d’a botlozid’a ki d’a hleu d’a luluîd’a, ni ma we tchet ahle suma lara ge pet ki sun nda d’al la lara d’a a mba humzi á led’id’a. Mba mi le sunda ki mang suma d’alâ, zlapa ki suma abung amulâ David mi manazina mi.

2 Sunda Hamuleinid’a 2:7

Ki tchetchemba, ang sununï sama d’al ma mi we suna lora, kawei ma hapma, kawei ma hleuna, kawei ma wurana, ki baru d’a hleu d’a sisila ki d’a hleu d’a kekenga ki d’a botlozid’a, ni ma we d’udjo ahlena á le sunda ki suma d’al suma a nga geven ka hî avo Jerusalem suma abun David mi manazina.

2 Sunda Hamuleinid’a 26:14

Oziyas mi b’rawazi ahle suma dur ayîna pet, nala, mboriyona, asubiyona, djum mba kaweina, kongrongâ, yeûd’a ki mbiud’a mi.

2 Sunda Hamuleinid’a 26:16

Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina.

Buzuk ka Abud’a 31:4

á nga ahlena, á we sun nda lora ki sun nda kawei ma hapma ki kawei ma hleuna,

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Habakuk 1:5

Ma didina mi de mi sum mama ala: Gologi andjaf suma nguyugina, agi mba lagi atchap kayam an mba ni le sunda kur atchogoi magid’a; le sa mi dagizi zlat pî, agi mba hagi gagazid’a kat ti.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Gat ta a hat á mbàd’id’a 20:20

Wani agi kagi nagu ma a nga tum mbuo na, agi minigizi kagi á ngui azì ma nga mi durugi ayîna máma gak agi hlagiziya.