2 Sunda Hamuleinid’a 24:18 - Bible azumeina

¹⁸ A ar gong nga kud’ora hi Ma didina Alona habuyozi ngolonid’a woyo, a i kud’or alo d’a a yat ala Asera-d’a ki fileina mi. Ata yi máma Ma didina hurum zal yam suma Juda-na ki suma Jerusalem-ma, kayam a mbut tazi tchod’a avoromu.

2 Sunda Hamuleinid’a 24:18 ပူးပေါင်းရင်းမြစ်များ

2 Samuel 24:1

Ma didina hurum zal zal la dinga ata Israel-lâ, mi zut David mi kak djangûna ki sed’eziya, mi dum ala: Ang i ndum Israel-lâ ki Juda-na.

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

1 Amuleina 14:9

Ang le tchod’a kal suma avorongâ pet, ang i yor alo ma dingâ teteng á zalan hurunu, ang aran ndei ang han azigang mi.

2 Sunda Hamuleinid’a 12:1

Ata yima Robowam leu mamba fad’enga mam tamba mi sira ngingi mi na, mi ar gata hi Ma didinid’a woyo. Israel-lâ pî a ar gata hi Ma didinid’a woi ki sed’em mi.

2 Sunda Hamuleinid’a 12:2

Kur biza d’a vahl hla Robowam nga mi tamulid’a, Sisak amul ma Ezipte-na mi mba mi dur suma Jerusalem-ma, kayam azi le tchod’a avok Ma didina.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 21:13

wani ang tit ni kur lovota hamulei suma Israel-lîd’a. Ang tan suma Juda-na ki suma Jerusalem-ma á le gaulangâ d’igi suma hi Ahap-ma na, ang tchi b’oziyong suma habung suma a kalang ki djivid’ina woi mi.

2 Sunda Hamuleinid’a 22:4

Mi le sun nda tchod’a avok Ma didina d’igi suma hi Ahap-ma na, kayam bugol matna habuma, a dumî d’al ma bam mbeina.

2 Sunda Hamuleinid’a 24:17

Bugol matna hi Jehojada-na, suma nglo suma avok suma Juda-na a mba grif kä avok amulâ, a tchenemu; mam humuzi mi.

2 Sunda Hamuleinid’a 24:4

Bugol ahle ndazina, Jowas mi nga hurum á min gong nga kud’ora hi Ma didinid’a yat ma b’lak keina akulo.

2 Sunda Hamuleinid’a 25:15

Ata yi máma Ma didina hurum zal ngola yam Amasiya, mi sunï ma djogom vunama atamu, mi dum ala: Ni kayam me ba, ang hal alona hi suma dingâ ma ndak á prut sum mama woi abong nguo na ge?

2 Sunda Hamuleinid’a 28:13

a dazi ala: Agi nga kalagi ki suma agi yozi ndazina ka hî d’i! Agi lagi ni sun nda mbud’i tcho d’a kala avok Ma didinid’a, agi mbagi ki tcho d’a ngola kei kua! Ki tchetchemba, zlad’a nga kei da’, Ma didina hurum zal wa ngola yam Israel-lâ!

2 Sunda Hamuleinid’a 29:8

Kayam ndata, Ma didina hurum zal yam suma Juda-na ki suma Jerusalem-ma. Mi mbud’uzi vama mandarâ, vama hohoud’a ki vama sanda d’igi agi wagizi ki iragi ini na.

2 Sunda Hamuleinid’a 32:25

Wani Ezekiyas mi hulong nga djivid’a yam djivi d’a Alona mi lumzid’a d’i, wani mi hle yam akulo. Kayam ndata, Ma didina hurum zal kam ki suma Juda-na ki suma Jerusalem-ma mi.

2 Sunda Hamuleinid’a 34:25

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Buzuk ka Abud’a 34:12

Agi gologi tagi djivi á djinigi vunagi ki suma agi mba kalagi kur ambas mazid’ina tala azi mbut ni dau ma vagina d’a d’i.

Buzuk ka Abud’a 34:13

Wani agi pleyêgi yi mazi ma teteng ma ngal ahle suma ngat buzuna woyo, agi togi filei mazi ma teteng ma tcheta woyo, agi kuzugi filei mazi ma a lum tetengâ woi mi.

Jeremi 17:2

Wani grozina a nga djib’er yam yi mazi ma ngal ahle suma ngat buzuna mi fileinina teteng, yam agu mazi ma tchet ma a pum malo d’a a yat ala Asera-d’a teteng ma go kagu ma angus ma akulo yam yima ndingîna teteng mi.

Wana ni mbaktumba hi Oze-d’a 5:14

Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Josue 22:20

Kid’a Akan Zera goroma mi le sun nda ata yat tuo d’a kahle suma Ma didina mi he nga vuna kazi d’uo na ni, Ma didina hurum zalî yam ablaud’a hi Israel-lîd’a pet tuo zu? Akan mi ba woi ni yam tcho mamba vam tu zu?

Suma ka sariyad’a 5:8

Azi man alo ma dingâ teteng. Ata yi máma ayîna mi tchola. Israel-lâ 40.000 pî, ang nga we mbarei d’oze asap abozi d’uo mi.

Suma ka sariyad’a 8:33

Bugol matna hi Zedeyon-na, Israel-lâ a hulong a kud’or alo ma a yum ala Bäl-lâ, a mbut Bäl-Berit nalo mazina.