2 Sunda Hamuleinid’a 24:14 - Bible azumeina

¹⁴ Kid’a abozi mi dap mindid’a, a mba ki beged’a ad’ut ta ara mamulâ azi ki Jehojada. A min kahle suma sunda kur gong nga kud’ora kahle suma a kud’or ki na, kahle suma a ngal kahle suma ngat buzunina, ki kopma ki duguyo suma lora ki duguyo suma a lazi ki kawei ma hapmina mi. Kid’a Jehojada mi nga ki iramba, a nga hahle suma ngat buzu suma ngala burâ ki burâ kur gonga hi Ma didinid’a.

2 Sunda Hamuleinid’a 24:14 ပူးပေါင်းရင်းမြစ်များ

1 Amuleina 7:50

Yima mbus abona teteng nga mangas sa a min ki lalambid’a, tazana, kopma ki yima a ngal ahlena kuana, mi lazi ni ki lora bei zozota ba d’a; Kawei ma a nik bapma kuana mi lumî ki lora, mi ni yam vun gong nga krovo d’a a kal ki ata yima a tinim iram vam ma kal teglesîna, mi ni yam vun gong nga a kal ki klavi kur gong nga kud’orid’a mi.

2 Amuleina 25:12

Wani mi he lovota mi suma hou suma aduk suma kur ambasina á ngom guguzlud’a, á zuma mi.

2 Amuleina 25:15

Ma ngolâ hi suma a ngom yinina, mi yo andru ma vakud’a ki tazana kagu ma yam buzuna, nala, ahlena pet suma lora ki suma kawei ma hapma.

1 Sunda Hamuleinid’a 23:31

á hahle suma ngat buzu suma ngala pet mi Ma didina kur bur ma sabatna, kur deîd’a hi tilîd’a, kur vun til ma lara ge ma a ngam ma azi nga ge yazi kä ad’um teteuna.

2 Sunda Hamuleinid’a 2:3

Salomon mi ge sunda gen Hiram amul ma Tir-râ, mi dum ala: Ang le ki sed’en d’igi ang le kabun David ang hum agu sedrena á min kaziyam na.

2 Sunda Hamuleinid’a 24:13

Suma a tinizi á le sundina a le sun mazid’a. Sun mazi d’a led’a nga d’i i djivid’a. A min gonga hAlonid’a yat ma mi b’lak keina akulo, ti tchol ad’enga ngingi.

2 Sunda Hamuleinid’a 24:15

Jehojada mi mbut mamara kikra, mi le bizad’a ni kis kam dok hindi, mi mid’a.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

Buzuk ka Abud’a 36:5

a i de mi Moise ala: Suma a nga mba ki he d’a hawad’a ngola kal yam mba Ma didina mi he vuna kat á le ki sundid’a.

Zla d’a d’ogolâ 27:22

Le ang du sama lilid’a kur zuzud’a zlapa kawuna pî, lili mamba mba d’i wal lei ki sed’em mbi.