2 Sunda Hamuleinid’a 23:3 - Bible azumeina

³ Ablau suma a togïna a djin vunazi kamulâ kur gong nga kud’ora hAlonid’a. Jehojada mi dazi ala: Amulâ goroma Jowas wana! Mba mi tamula d’igi Ma didina mi hle vunam yam andjafâ hi David-na na.

2 Sunda Hamuleinid’a 23:3 ပူးပေါင်းရင်းမြစ်များ

2 Samuel 5:3

Ni hina ba, suma nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron. Azi manam a tinim amula yam Israel-lâ.

2 Samuel 7:12

Fata burung ndak ang mba mit i kä azulei ad’u abuyonga, an mba ni tchol andjavang ma ndeï kurungâ blogongû, an mba ni hum ad’enga á tamula.

2 Samuel 7:16

Sama ad’u andjavangâ mba mi tamula blagang gak didin; amul manga mba d’i giget ti gak didin.

1 Amuleina 2:4

Hina wani, Ma didina mba mi ndak vun vun ma hle ma mi hlandji ala: Le andjavangî suma d’engzengâ a le min manda ki zlat pet ki gagazid’a mi ni, adigazi a mba fe sama vrak tamula blangâng yam zlamba hi Israel-lîd’a teteu.

1 Amuleina 9:5

an mba ni kagang yam zlam mang nga amula ngingring yam Israel-lâ burâ ki burâ d’igi an de mabung David na ala: Ad’u andjavang ang mba ba bei fe sama mba mi vrak blangâng á kak yam zlamba hi Israel-lîd’a d’i gak didin.

2 Amuleina 11:17

Jehojada mi mba ki vun ma djinda aduk Ma didina kamulâ ki sumuna, a djin vunazi ala ar azi ka’î suma hi Ma didinina. Mi mba ki vun ma djinda aduk amulâ ki sumuna mi.

1 Sunda Hamuleinid’a 11:3

Ni hina ba, nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron, a vom mbulâ kam á tinim amula yam Israel-lâ d’igi Ma didina mi de zlad’a avun Samuel na.

2 Sunda Hamuleinid’a 21:7

Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.

2 Sunda Hamuleinid’a 23:16

Jehojada mi djin vunam kablau d’a peta kamula, mi ala, ar azi ka’î suma hi Ma didinina.

2 Sunda Hamuleinid’a 6:16

Ki tchetchemba, Ma didina Alona hi Israel-lîna, ang ngom zla d’a ang dat mabun David-ta ala: Le andjavang nga mi ngom tam ped’et yam tit mamba, le nga mi tit yam gat manda d’igi ang nga tit avoron na ni, adigazi a mba ba bei fe sama kak yam zlam mba amula aduk Israel-lâ teteuna d’uo d’a.

2 Sunda Hamuleinid’a 7:18

an mba ni kagang yam zlam mang nga amula ngingring burâ ki burâ d’igi an de mabung David na ala: Ad’u andjavang ang mba ba bei fe sama mba mi vrak blangâng á kak yam zlamba hi Israel-lîd’a d’i gak didin.

Sawal la giled’a 89:29

An mba ni tagam o manda burâ ki burâ; vun ma djin ma an djinim ki sed’ema mba mi ka’î hina ngingring.

Sawal la giled’a 89:36

Yam bei tcho manda an ni gun tan ni ki iran fafat, na ni an ndak á ka zlad’a mi David tchu?