2 Sunda Hamuleinid’a 22:7 - Bible azumeina

⁷ Kur minda hAlonid’a mi zut Ahaziya mi i á d’u Joram á bam mbeyo. Ata yima mi mbazina, a i ki Joram á ngaf ki Jehu Nimsi gorom ma Alona mi tinim iram vam á dap suma hi Ahap-ma woina.

2 Sunda Hamuleinid’a 22:7 ပူးပေါင်းရင်းမြစ်များ

1 Amuleina 12:15

Hina amulâ mi hum nga zlad’a hi sum ndazinid’a d’i. Ma didina mi le hina ná ndak vun zla d’a mi dat mi Jerobowam Nebat goroma avun ma djogom vunama Ahiya ma Silo-nid’a.

1 Amuleina 12:24

Wana ni zla d’a Ma didina mi data: Agi i durugi ayîna ki Israel sumala ni b’oziyogina na na d’i. Ar nge nge pî adigagi mi hulong avo hatamu, kayam ahle suma a le ndazina a tcholï natanu. Ata yima azi hum zlad’a hi Ma didinid’ina, a ge yazi kä ad’u zla ndata, a hulong avo hatazi d’igi Ma didina mi de na.

1 Amuleina 19:16

Bugola, ang i pat Jehu Nimsi goroma, ang vom mbulâ kam á tinim amula yam Israel-lâ. Ang vo mbulâ yam Elise Safat ma Abel-Mehola-na goroma mi vrak ma djogon vunana blangângû.

1 Amuleina 22:20

Ma didina mi djop ala: Ni nge ba, mba mi lop sa vun Ahap á i dur ayîna ata azì ma Ramot ma Galät-na ni lop ba, á tchumza woi ge? Ma hina mi de zla mamba ni vad’u, ma hina mi de zla mamba ni vat mi.

2 Amuleina 10:11

Kayam ndata, Jehu mi tchi suma hi Ahap suma a nga kaka Jisreyel-lâ woi pet ki ndrom suma nglo suma sunda ki buniyôma ki mam suma ngat buzuna woi pepet; mi ar nga sa tu á sut ti.

2 Amuleina 9:21

Amulâ Joram mi he vuna ala a minim pus mam ma dur ayîna. Bugola, mam kak kuru, Ahaziya amul ma Juda-na mi kak kur mama mi. Azi i á ngaf Jehu, azi i fum sä kel abagei go kasinena hi Nabot ma Jisreyel-lîna.

2 Amuleina 9:27

Kid’a Ahaziya amul ma Juda-na mi we hina d’a, mi zot ringâ, mi i iram abo ma Bet-Hagan-na, wani Jehu nga mi digimu, mi he vuna mi ndrom azigarâ ala a tchum mi. Azi a yed’em kur pus mama ata yima mam nga mi djaka akulo aduk ahina d’a Gur ra go kazì ma Jibleyam-mid’a. Mam ring gak mbaza Megido, mi mit sä kua.

2 Sunda Hamuleinid’a 10:15

Hina amulâ mi hum nga zlad’a hi sum ndazinid’a d’i. Ma didina mi le hina ná ndak vun zla d’a mi dat mi Jerobowam Nebat goroma avun ma djogom vunama Ahiya ma Silo-nid’a.

2 Sunda Hamuleinid’a 22:6

Mi hulong avo Jisreyel á tchil mbilim ma suma Siri-na a gumzi avo Rama ata yima dur ayîna ki Hazayel amul ma Siri-nina. Ata yi máma Azariya, nala, Ahaziya Joram goroma amul ma Juda-na, mi i á d’u Joram Ahap goroma avo Jisreyel, kayam mam nga tugud’eid’a ngola heî.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

Josue 11:20

Kayam ni Ma didina ba, mi b’alazi huruzi á dur ayîna ki Israel-lâ kayambala Israel-lâ a dabazi tchid’a woi bei wazi hohowozi d’igi Ma didina mi he vuna mi Moise na d’a.

Suma ka sariyad’a 14:4

Abum azi kasum a we nga d’ala ni Ma didina ba, mi lahle ndazina d’a d’i. Kayam Samson mi halî lovota á tchol huneîd’a ki suma Filistê-na. Kur atchogoi ndata suma Filistê-na a nga te yam Israel-lâ.