2 Sunda Hamuleinid’a 22:5 - Bible azumeina

⁵ Mi tit yam d’al mazina, mi i ki Joram Ahap amul ma Israel-lâ goroma á dur ayîna ki Hazayel amul ma Siri-na kur azì ma Ramot ma kur ambas sa Galät-tina. Kur ayî máma suma Siri-na a ge Joram mbilâ.

2 Sunda Hamuleinid’a 22:5 ပူးပေါင်းရင်းမြစ်များ

1 Amuleina 22:3

Wani amul ma Israel-lâ mi de mi suma sunda ala: Agi wagi tetet ala azì ma Ramot ma Galät-na ni meina. Ni kayam me ba, ei lei gigrit á hlum abo amul ma Siri-na ge?

1 Amuleina 4:13

Ben-Geber ni ma a tinim kur Ramot ta nga kur Galät-tina; ni ma nga yam azì ma Jayir ma hi Manase gorom ma Galät-nina kambas sa Argop pa Basan-nda mi. Kur ambas ndata pet azì ma ad’engâ nga kua ni dok karagaya, mi nga nguid’a ki gulumuna ki kawei ma hleu ma murgulina kua mi;

2 Amuleina 3:1

Kur biza d’a dogo yam klavandi d’a Josafat amul ma Juda-na nga mi tamulid’a, Joram Ahap goroma mi kak amula yam Israel-lâ. Mi tamula avo Samari bizad’a dogo yam mbà.

2 Amuleina 8:9

Hazayel mi i ki he d’a hawa d’a djivi d’a kal tegles sa yam ambas sa Damas-sid’a ndak ir aneka hi djambala d’a zid’a dok fid’i á hat mi Elise. Kid’a mi mbaza avok ma djok vuna Elise-d’a, mi dum ala: Gorongâ Ben-Hadat mi sununï ni mam ala an djobongû, na ni mam mba mi tchol akulo kur tugud’ei mam ndata ko zi ge?

2 Amuleina 9:1

Bur tu Elise ma djok vun Alona mi yi gor azongâ tu aduk adesâ hi suma djok vunina, mi dum ala: Ang min tangû, ang hle gugur ra mbulâ abongû, ang i kur azì ma Ramot ma Galät-na.

2 Sunda Hamuleinid’a 18:3

Ahap amul ma Israel-lâ mi djop Josafat amul ma Juda-na ala: Ang i dur ayîna ki sed’en á hleï azì ma Ramot ma kur ambas sa Galät-tina d’uo zu? Josafat mi hulong dum ala: Ang ki an ei ni tu, sum mangâ ki sum mana a ni tu mi. An nga ni i dur ayîna ki sed’engû.

2 Sunda Hamuleinid’a 18:31

Kayam ndata, ata yima suma nglo suma yam pus ma dur ayînina a we Josafat-na, a dala: Wana namul ma Israel-lâ, a nguyum á durâ. Wani Josafat mi yi Ma didina á ndjunumu. Ma didina mi ndjunumu, mi digizi woi kamu.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 22:6

Mi hulong avo Jisreyel á tchil mbilim ma suma Siri-na a gumzi avo Rama ata yima dur ayîna ki Hazayel amul ma Siri-nina. Ata yi máma Azariya, nala, Ahaziya Joram goroma amul ma Juda-na, mi i á d’u Joram Ahap goroma avo Jisreyel, kayam mam nga tugud’eid’a ngola heî.

Sawal la giled’a 1:1

Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

Daniel 5:22

Wani ang Baltazar, Nebukanezar goroma, ang wahle ndazina woi tetet, wani ang hulong nga yang kä d’i.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.