7 Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.
Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.
Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?
Wani an mba ni ar andjafâ mi goroma tu, kayam zla azong mana David ad’u andjavam mi tamula avoron teteu avo Jerusalem kur azì ma an manam á kak adigazi kuana.
Wani Ma didina mi min b’lak leu d’a Juda-d’a woi d’i, kayam mam hle vunam mazong mama David ala mam mba mi ar ad’u andjavam á tamula blangâm gak didin.
Wani ata yima a nga tchazina, Joseba namulâ Joram goromba ti ve Jowas Ahaziya goroma gumun ngeid’a aduk amulâ groma, ti hum abo atcha d’a wuluta kur gong nga burâ. Ni hina ba, Joseba Ahaziya wiyemba Joram goromba, atchad’a hi ma ngat buzuna Jehojada-d’a, ti sut Jowas sei bei Atali ti tchumu.
Ablau suma a togïna a djin vunazi kamulâ kur gong nga kud’ora hAlonid’a. Jehojada mi dazi ala: Amulâ goroma Jowas wana! Mba mi tamula d’igi Ma didina mi hle vunam yam andjafâ hi David-na na.
Ki tchetchemba, Ma didina Alona hi Israel-lîna, ang ngom zla d’a ang dat mabun David-ta ala: Le andjavang nga mi ngom tam ped’et yam tit mamba, le nga mi tit yam gat manda d’igi ang nga tit avoron na ni, adigazi a mba ba bei fe sama kak yam zlam mba amula aduk Israel-lâ teteuna d’uo d’a.
Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.