2 Sunda Hamuleinid’a 21:11 - Bible azumeina

¹¹ Joram mi min yima kud’or fileina yam ahina d’a Juda-d’a, mi zut suma avo Jerusalem-ma ki suma Juda-na á le gaulangâ mi.

2 Sunda Hamuleinid’a 21:11 ပူးပေါင်းရင်းမြစ်များ

1 Amuleina 11:7

Kur atchogoi ndata Salomon mi min yina tu, mi tinim iram vam yam ahinad’a abo ma ir Jerusalem-ma. Mi min yima ngal ahle suma ngat buzuna mi Kemos alo ma ndjendjed’a hi suma Mowap-mina yam yima nding máma, mi min yam Molok alo ma ndjendjed’a hi suma Amon-nina tu mi.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

1 Amuleina 14:9

Ang le tchod’a kal suma avorongâ pet, ang i yor alo ma dingâ teteng á zalan hurunu, ang aran ndei ang han azigang mi.

2 Amuleina 21:11

Manase amul ma Juda-na mi le sun nda ndjendje ngola, mi le sun nda tchod’a kal suma Amor suma avoroma, mi zut suma Juda-na á le tchod’a ki filei mam ma led’a mi.

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

2 Sunda Hamuleinid’a 21:10

Suma Edom-ma a kak djangûna ki suma te yam suma Juda-na kur atchogoi ndata gak ini. Suma Libini-na a tchol huneîd’a ki sed’em kur atchogoi ndata mi, kayam mi ar Ma didina Alona habuyom ngolona woyo.

2 Sunda Hamuleinid’a 21:13

wani ang tit ni kur lovota hamulei suma Israel-lîd’a. Ang tan suma Juda-na ki suma Jerusalem-ma á le gaulangâ d’igi suma hi Ahap-ma na, ang tchi b’oziyong suma habung suma a kalang ki djivid’ina woi mi.

2 Sunda Hamuleinid’a 33:9

Wani Manase mi zut suma Juda-na ki suma a nga kaka avo Jerusalem-ma á le tchod’a kal andjaf suma Ma didina mi dabazi woi tchid’a avok Israel-lîna.

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Isai 65:7

An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Jeremi 3:8

Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 23:11

Wiyeta Oholiba ti wahle ndazina, wani ti kalat kur e’eû mata, gaulang matna mi kal ma hi wiyetina.

Daniel 3:15

Ki tchetchemba, agi minigi tagiya. Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga, agi kud’urogi filei ma yor ma lor ma an tinim akulona. Le agi kud’urogizi nga d’uo ni, a tchugugi atogo zak aduk für ra aku d’a hîhîka. NAlo ma lara ba, mba mi prud’ugi woi abon nge?

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Sunda hi suma hi Levi-nid’a 20:5

an mba ni mbut iran ata sa máma kadezemu, an mba ni pad’am mbei aduk sum mama ki suma pet suma a le tchod’a d’igi mam na á tuwal alo ma a yum ala Molo’îna.

Habakuk 2:15

Ni zla d’a hohoud’a yam sama mi he vama tche ma ayî ma tchona mi ndrama d’igi süma na na, tala mi gurut gurut ba mam mi wum gandila mamba na.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.