2 Sunda Hamuleinid’a 20:2 - Bible azumeina

² Suma a mba de mi Josafat ala: Azigarâ ablaud’a hina mimiyâk a nga djï atang durâ, a tcholï nabo apo d’a Matna abo hî yam ambas sa Edom-mba dei. Ki tchetchemba, a mba nga Hasason-Tamar, nala, En-Gedi.

2 Sunda Hamuleinid’a 20:2 ပူးပေါင်းရင်းမြစ်များ

Ad’u Tinda 14:3

Amulei suma vahl ndazina a ndjak vunazi tu, a i avun hor ra Sidim-mba, nala, Apo d’a Matna.

Ad’u Tinda 14:7

Azi hulongî a mba kur En-Mispat, nala, Kades, a kus yam suma Amale’â yam andaga mazid’a pet, a kal yam suma Amor suma a nga kaka yam ambas sa Hazazon-Tamar-ra mi.

Sawal la kal teglesa 1:14

Ang ma an le kang heîna, angî d’igi ades b’od’a hagu ma aduk guguzlu d’a En-Gedi-d’ina na.

Ezekiyel 47:10

Bugola, suma tchiuna a mba tchol avun mbiyo máma. Tinï ad’ud’a En-Gedi dei gak mba En-Eglayim a mba war abei mazina kua. A mba vik andjaf kulufâ teteng d’igi andjaf kuluf ma nga kur alum ma ngol ma Mediterane-na na.

Ezekiyel 47:19

Haga d’a abo ma sutnid’a mba d’i tinï ad’ud’a ni Tamar dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a gak mba d’i i avun alum ma ngol ma Mediterane-na. Wana ni haga d’a abo ma sutnid’a.

Ezekiyel 48:28

Hagad’a handagad’a hi Gad ta abo ma sutnid’a ni hagad’a hi Israel-lîd’a dabi mata mi. Mba d’i tinï ad’ud’a Tamar abo ma yorogona dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a dei gak mba d’i i avun alum ma ngol ma Mediterane-na.

Ndumba 34:12

ti kal i avun alum ma Jurdê-na á i kur apo d’a Matna. Wana nambas magid’a ki haga mat ta nguyuta.

Josue 15:62

Nipsan, Ir-Hamela ki En-Gedi. Azì ma nglona ni karagaya kazì mazi ma gureina mi.

Josue 3:16

ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.