2 Sunda Hamuleinid’a 20:12 - Bible azumeina

¹² Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

2 Sunda Hamuleinid’a 20:12 ပူးပေါင်းရင်းမြစ်များ

2 Samuel 14:11

Ti de mamulâ ala: Ar ang djib’er yam Ma didina Alo mangâ tala ma hlatchugula mi tchi sama ding kua, tala mi tchi gorona woi d’uo d’a. Amulâ mi dat ala: Ma didina ni Ma bei matna. Tumus sa yam goro’îd’a tu pî mba d’i nde kä andaga d’i.

1 Amuleina 1:20

Ki tchetchemba, salana amulâ, Israel-lâ pet nga b’at tazi ala ang dazi woi yam sama mba mi vrak blangâng amula na.

2 Amuleina 6:15

Kid’a azongâ hi Elise-na mi nde woi ki yorogo avun azì ma ngolid’a, mi we azigarâ kakulumeina ki pus ma dur ayîna teteng a ngui azina d’uhl, mi er ad’um akulo ala: Alë! Salana, ei lei ni nana ge?

2 Sunda Hamuleinid’a 20:13

Suma Juda-na pet zlapa ki grozi suma gureina ki grozina kamiyôzina, a nga tchola akulo avok Ma didina.

Sawal la giled’a 141:8

Ma didina Salad’a, iran nga tinda ni kang angû, an nga ni ngei tan natang angû, ang aran an mit tei d’i.

Sawal la giled’a 25:15

An nga ni tin iran yam Ma didina teteu, kayam nga mi pad’an asen ndei kur dauna.

Sawal la giled’a 43:1

Alo mana, ang kan sariya manda, ang ngomon abo andjaf suma bei we hohowa suma, ang prud’un ndei abo suma lemba ki suma mbut ira.

Sawal la giled’a 7:6

ar man ma djangûna mi digin mi vanu, mi mired’en kä andaga, mi b’lagan subur manda woyo. Tchol ndjö

Sawal la giled’a 7:8

Ar andjaf suma pet a tok nguyungû, ar ang kak yam zlam mang nga amula, ang te kazi akulo.

Sawal la giled’a 9:19

Alona nga mi mar yam sama houd’a d’uo burâ ki burâ; tin hurâ hi suma hohoud’ina mba mi dap pei d’i gak didin.

Sawal la giled’a 94:2

Ma ka sariyad’a yam andagad’ina, ang tchol akulo, ang he suma yam mba ad’enga wurak mazid’a yam sun nda azi lata.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Joel 3:12

Ar andjaf suma a tchol akulo, a i kur hor ra Josafat-ta. Ata yi máma an mba ni kak kua á ka sariyad’a yam andjaf suma pet suma a nga nguid’a ata yi mámina.

Jonas 2:4

Ang gan kä kur galileina halumina, mbiyo ma djangâ mi nguyunu, abil mangâ nga mi kal akulo kanu.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Suma ka sariyad’a 11:27

An lang nga tcho d’i. Ni ang ba, lan tchod’a, ang ndan ayîna. Ar Ma didin ma ka sariyad’a mi ka sariyad’a ini aduk Israel-lâ ki suma Amon-na.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.