2 Sunda Hamuleinid’a 2:6 - Bible azumeina

⁶ Ni nge ba, mi nga kad’enga á minim gonga ge? Kayam akulod’a ki ngolot pet pî ti ndak nga kam mbi. An ni nge ko ba, ni minim gonga ge? An minit ná ngal dubang ma his djivid’ina avorom wü d’a!

2 Sunda Hamuleinid’a 2:6 ပူးပေါင်းရင်းမြစ်များ

2 Samuel 7:18

Ata yi máma amulâ David mi i avok Ma didina, mi dum ala: Salad’a, Ma didina, an ki sum mana ni me ko ba, ang i gak dan yam ahle ndazina ge?

1 Amuleina 7:13

Sana mi nga avo Tir a yum ala Hiram. Salomon mi mbamï Jerusalem.

1 Amuleina 7:14

Hiram mi we suna kawei ma hleuna. Abumî ma Tir-râ, wani asumî d’a Neftali-d’a, natcha d’a modonod’a. Mam mi sama d’al ma wad’ud’a; mi wäd’u sun nda yor kawei ma hleuna djivid’a heî. Kayam ndata, mi mba gen Salomon á min ahlena pet suma mam minizi á led’ina.

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

1 Sunda Hamuleinid’a 22:15

Ang nga ki suma sunda ablaud’a, suma tchet ahinad’a suma a we á le sunda kahinad’a kaguna heîna ki suma d’al suma le sun nda lara ge petna mi.

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

2 Sunda Hamuleinid’a 1:10

Ki tchetchemba, ang han ned’a ki wad’ud’a, kayam an we lovota á tit avok sum ndazina. Ni nge ba, mi ndak á te yam mang suma ablau suma tchotcho ndazina ge?

2 Sunda Hamuleinid’a 6:18

Gagazi, na ni ang Alona ndak á kak zlapa ki suma yam andagad’a ka hina zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

Buzuk ka Abud’a 3:11

Moise mi de mAlona ala: An ni nge ko ba, ni i gen Faron á buzugï Israel-lâ woi avo Ezipte ge?

Buzuk ka Abud’a 31:5

á tchet ahina d’a guzut kal teglesa á b’alat yat kä ki lora, á tchet aguna, á le sun nda lara ge pet mi.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Jeremi 23:24

Ma didina mi de kua ala: Na ni sama mi ndak á ngei tam ata yima bei an wuma nga zu? An ni oî nga hur akulod’a, an ni oî nga yam andagad’a mi d’uo zu?

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:14

Wani agi hagi he d’a hawa magi d’a ngala nata yima Ma didina mba mi manam aduk andjavagina. Ni kua kolâ ba, agi mba lagi ahlena pet suma an hagi vuna kazina.

Gat ta a hat á mbàd’id’a 12:26

Wani ahle suma agi mba tinizi irazi vazina ki he d’a hawa magi d’a á ndak vun vun ma hled’id’a, agi igi ki sed’ezi nata yima Ma didina mba mi manama.