2 Sunda Hamuleinid’a 2:5 - Bible azumeina

⁵ Gong nga an nga ni minita ni gong nga ngola, kayam Alo mamina nAlo ma ngol ma kal alona petna.

2 Sunda Hamuleinid’a 2:5 ပူးပေါင်းရင်းမြစ်များ

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

1 Amuleina 9:8

Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

1 Sunda Hamuleinid’a 16:25

Kayam Ma didina ni ma ngol ma ndak á suburina; ni ma a ringîm mandaram kal alona petna mi.

1 Sunda Hamuleinid’a 29:1

Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona.

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

2 Sunda Hamuleinid’a 2:9

Ar azi kaï aguna ngola, kayam gong nga an nga ni minita ni gong nga ngol la djif fa kal teglesa.

2 Sunda Hamuleinid’a 29:11

Grona, ki tchetchemba, agi gologi zla ndata hina is si. Kayam ni agi ba, Ma didina mi managi á tchol avorom á lum sunda, á mbut azungeî mama, á ngalam dubang ma his djivid’ina mi.

2 Sunda Hamuleinid’a 6:18

Gagazi, na ni ang Alona ndak á kak zlapa ki suma yam andagad’a ka hina zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

Sawal la giled’a 135:5

Gagazi, an we Ma didina ni ma ngolâ; Salad’a ni ma kal akulo yam alona petna.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Sawal la giled’a 148:4

Agi akulod’a hakulod’id’a, agi gilegiziya! Agi mbiyo ma sä yam akulod’ina, agi gilegizi mi!

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Jeremi 10:6

Ma didina, sama hle tam d’igi ang na na nga d’i. Angî ma ngolâ, angî ma simiyêng mi nde yina ki sib’ik mangina mi.

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

1 Timote 6:15

Alo ma kal tegles ma tu gid’eng ma mi ndak á hud’a, ma nAmulâ hamuleinina, ma Salad’a hi suliyod’ina, mam mba mi ndum mbei ata yima mi ngama.