2 Sunda Hamuleinid’a 2:3 - Bible azumeina

³ Salomon mi ge sunda gen Hiram amul ma Tir-râ, mi dum ala: Ang le ki sed’en d’igi ang le kabun David ang hum agu sedrena á min kaziyam na.

2 Sunda Hamuleinid’a 2:3 ပူးပေါင်းရင်းမြစ်များ

2 Samuel 5:11

Hiram amul ma Tir-râ, mi sunï suma gen David kagu sedrena, zlapa ki suma tchet aguna ki suma tchet ahinad’a á min gong nga amula mi David.

1 Sunda Hamuleinid’a 14:1

Hiram amul ma Tir-râ, mi sunï suma gen David kagu sedrena, suma tchet ahinad’a ki suma tchet aguna á min gong nga amula mi David.

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

2 Sunda Hamuleinid’a 24:14

Kid’a abozi mi dap mindid’a, a mba ki beged’a ad’ut ta ara mamulâ azi ki Jehojada. A min kahle suma sunda kur gong nga kud’ora kahle suma a kud’or ki na, kahle suma a ngal kahle suma ngat buzunina, ki kopma ki duguyo suma lora ki duguyo suma a lazi ki kawei ma hapmina mi. Kid’a Jehojada mi nga ki iramba, a nga hahle suma ngat buzu suma ngala burâ ki burâ kur gonga hi Ma didinid’a.

2 Sunda Hamuleinid’a 4:19

Wana nahle suma lor suma Salomon mi lazi kua yam gong nga kud’ora hAlonid’ina: Yima ngal dubang ma his djivid’a ma mi lum ki lorina; Tabul ma a tin avungô ma a tinim iram vam mAlona kam ma mi lum ki lorina;

2 Sunda Hamuleinid’a 8:13

Mi hahle suma ngat buzuna d’igi Moise mi he vuna á hed’a na burâ ki burâ, kur bur ma sabatna, kur deîd’a hi tilîd’a, kur bur ma vun til ma lum yang hindi kur biza d’a tud’ina, nala, vun til ma a lum kavungô ma bei angufina, vun til ma Pantekotna ki vun til ma Zlub’ud’a mi.

Esdras 6:3

Kur biza d’a avoka hamulâ Sirus-sa, mi he vuna ala: Ar a hulong min gong nga kud’ora hAlona d’a Jerusalem-mba akulo, ar ti mbut ni yima suma a hahle suma ngat buzuna kuana, ar a gat ad’ut kä ad’enga ngingi. Fiyagat ta akulod’a ni metred’a dok hindi, bubuwat ni metred’a dok hindi mi.

Nehemi 10:34

Ami tinimi gata kami kua ala ami suma ngat buzuna, suma hi Levi-na kablau suma, ami lami togina ngad’a yam andjavami á mba kagu ma a hum he d’a hawad’a bizad’a ki bizad’a kur gong nga kud’ora hAlonid’a kur bur ma a ngama, á ngal ki he d’a hawa d’a ngat buzuna yam yima ngal ahle suma ngat buzuna hi Ma didina Alo meinina d’igi a b’ir kur Gata na.

Buzuk ka Abud’a 25:30

Agi tinigi avungô ma a tinim iram vam mi ana avogon yam tabul máma burâ ki burâ.

Buzuk ka Abud’a 29:38

Ma didina mi de kua ala: Wana nahle suma ang mba hazi yam yima ngal ahle suma ngat buzunina: Tumiyô suma bizazi tutuna mbàmbà burâ ki burâ gak didin.

Buzuk ka Abud’a 29:39

Ang he yorogo tu, fladege tu mi.

Buzuk ka Abud’a 29:41

Ata yima ang mba ki timi ma fladegena á ngatina, ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ ki süm guguzlud’a nus lidirâ mi. Ang ngalaziya. Ni vama his ma afufuîna avogon an Ma didina.

Buzuk ka Abud’a 30:7

Yorogo d’a lara pî, Aron mba mi ngal dubang ma his djivid’ina ata yima mi min lalambina.

Sunda hi suma hi Levi-nid’a 23:2

Ang i de mi Israel-lâ ala: Fata agi mba tchagi wala yam vun til manid’a, agi mba togogi ni tok ka a tinit irat vata á kud’uronu.

Sunda hi suma hi Levi-nid’a 9:17

Mi he he d’a hawa d’a afuta hur abom tu, mi ngalat akulo yam yima ngal ahle suma ngat buzuna zlapa ki he d’a hawa d’a ding nga ngal la a hat yorogod’a.

Ndumba 28:11

Ma didina mi de kua ala: Kur bur ma avo’â hi til ma lara ge petna agi hagi he d’a hawa d’a ngala mi an Ma didina amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Ndumba 28:9

Ma didina mi de kua ala: Kur bur ma sabatna agi hagi gro tumiyô suma bizazi tutu suma bei dakina mbà zlapa ki he d’a hawa d’a afut ta adiged’i d’a a tib’eget ki mbulîd’a kilona karagaya zlapa ki süm guguzlud’a mi.