2 Sunda Hamuleinid’a 19:2 - Bible azumeina

² Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 19:2 ပူးပေါင်းရင်းမြစ်များ

1 Amuleina 16:1

Ma didina mi de mi ma djogom vunama Jehu Hanani goroma ala: Ang i de mi Bäsa ala:

1 Amuleina 16:12

Zimri mi dap suma hi Bäsa-na woi pet d’igi Ma didina mi de zlad’a avun ma djogom vunama Jehu na.

1 Amuleina 16:7

Ata yima Ma didina mi de zlad’a mi ma djogom vunama Jehu Hanani goroma á de zlad’a mi Bäsa-d’ina, mi dumî yam zlad’a mbà: D’a avoka, ni yamba Bäsa ki sum mama a le tchod’a avok Ma didina, a zalam hurum ki tcho mazi d’a led’a d’igi suma hi Jerobowam-ma na d’a; D’a mbàd’a, ni yamba Bäsa mi tchi andjafâ hi Jerobowam-ma woyo.

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

1 Amuleina 22:44

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’a kuana kä woi d’i.

2 Sunda Hamuleinid’a 16:7

Kur biza ndata, ma djok vun Alona Hanani mi mba gen Asa amul ma Juda-na, mi dum ala: Ang ar zla d’a deng tang ata Ma didina Alo mangîd’a ta, ang deng tang ata amul ma Siri-na, ang he lovota mi azigar suma Siri-na á sut tazi woi abongû.

2 Sunda Hamuleinid’a 18:1

Josafat mi mbut sama ndjondjoîna, suma a nga suburum heî mi. Mi zlap ki Ahap amul ma Israel-lâ kur lovot ta tela.

2 Sunda Hamuleinid’a 18:28

Ahap amul ma Israel-lâ ki Josafat amul ma Juda-na a i dur ayîna kazì ma Ramot ma Galät-na.

2 Sunda Hamuleinid’a 18:3

Ahap amul ma Israel-lâ mi djop Josafat amul ma Juda-na ala: Ang i dur ayîna ki sed’en á hleï azì ma Ramot ma kur ambas sa Galät-tina d’uo zu? Josafat mi hulong dum ala: Ang ki an ei ni tu, sum mangâ ki sum mana a ni tu mi. An nga ni i dur ayîna ki sed’engû.

2 Sunda Hamuleinid’a 18:7

Amul ma Israel-lâ mi hulong dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi hulong dum ala: Amulâ, ar ang de hina d’i!

2 Sunda Hamuleinid’a 19:1

Josafat amul ma Juda-na mi hulong avo hatam Jerusalem ki halasa.

2 Sunda Hamuleinid’a 19:10

Kur sariya d’a lara d’a b’oziyogi suma a nga kaka kur azì mazi ma nglona a mba mbagizid’a, le ni d’a hi mat ma tchid’a, d’oze d’a hi gatid’a, d’oze d’a hi vun ma hed’a, agi gazi humaziya, kayambala zlad’a kak kazi avok Ma didina ba, hurum mi zal kagi ki b’oziyogina d’uo d’a. Agi lagi ni hina, ar zlad’a kak kagi avok Ma didina d’i.

2 Sunda Hamuleinid’a 20:34

Sunda hi Josafat ta ara, d’a avoka ki d’a dananda, a b’irit nga kä kur Mbaktum mba ge humba hi Jehu Hanani goromid’a, a gat nga kä kur Mbaktumba hamulei suma Israel-lîd’a mi.

2 Sunda Hamuleinid’a 24:18

A ar gong nga kud’ora hi Ma didina Alona habuyozi ngolonid’a woyo, a i kud’or alo d’a a yat ala Asera-d’a ki fileina mi. Ata yi máma Ma didina hurum zal yam suma Juda-na ki suma Jerusalem-ma, kayam a mbut tazi tchod’a avoromu.

2 Sunda Hamuleinid’a 26:18

A tchol avok amulâ Oziyas, a dum ala: Oziyas, nga ni zla manga á ngal dubang ma his djivid’ina mi Ma didina d’i. Ni sunda hi suma ngat buzuna andjafâ hi Aron-na. Ni azi ba, a tinizi irazi vazi á ngal dubang ma his djivid’ina. Ang nde woi ata yima a tinim iram vama, ang le i hî ni sun nda ata yat tuo d’a; ni sun nda Ma didina mba mi suburung kat tuo d’a!

2 Sunda Hamuleinid’a 32:25

Wani Ezekiyas mi hulong nga djivid’a yam djivi d’a Alona mi lumzid’a d’i, wani mi hle yam akulo. Kayam ndata, Ma didina hurum zal kam ki suma Juda-na ki suma Jerusalem-ma mi.

Sawal la giled’a 15:4

Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.

Sawal la giled’a 21:8

Ma didina, amulâ mi deng tamî atang angû, ma sä akulo ma kal teglesâ, yam o mang nga didinda mam mba mi puk kä d’i.

Sawal la giled’a 68:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 71:15

An mba ni de woi yam d’ingêr manga ki sut manga burâ ki burâ, kayam an we nga ndum mata d’i.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Amos 7:14

Amos mi hulong de mi Amasiya ala: An nga ni ma djok vun Alona d’oze ma djok vun gorom mbuo ko. Wani an ni ma pol d’uwarâ, an ni ma ngom diyagad’a mi.

Jean 15:18

Jesus mi dazi kua ala: Le suma kur duniyad’ina a noyôgiya ni, agi wagi ala a noyôn an adjewe.

Jean 15:23

Sama noyôna, mi noî nAbun mi.

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 1:30

suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 8:7

Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

Gat ta a hat á mbàd’id’a 32:41

An nga ni gur mbigeu man nda fiyaka, ni ligid’et siyat mi ngal wiwilik. An hlabon akulo á ka sariyad’a, an mba ni hlatchugulun ki man suma djangûna, an mba ni wurak suma a noyôna mi.

Gat ta a hat á mbàd’id’a 33:11

Ma didina, ang hazi ad’eng nga dinga, ang ve he d’a hawa d’a azi nga hangzid’a aboziya. Ang mbut mazi suma djangûna amangeîd’a, ar suma a noyôzina a hle yazi akulo bugol luo d’a.

Gat ta a hat á mbàd’id’a 5:9

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’a d’oze ma kur atchogoi d’a fid’id’ina.

Gat ta a hat á mbàd’id’a 7:10

Wani nga mi ngop suma a noyôma, nga mi dabazi woi mi, nga mi le lilinga á ngop sama mi noyôma d’uo mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Samuel 9:9

(Adjeu aduk Israel-lâ, le sana mi i djop Alona ni, nga mi dala: Ei i gen sama wed’a; ni ma a nga yum ini ala ma djok vun Alona na, ni ma adjeu a yum ala ma wed’a na.)