2 Sunda Hamuleinid’a 19:10 - Bible azumeina

¹⁰ Kur sariya d’a lara d’a b’oziyogi suma a nga kaka kur azì mazi ma nglona a mba mbagizid’a, le ni d’a hi mat ma tchid’a, d’oze d’a hi gatid’a, d’oze d’a hi vun ma hed’a, agi gazi humaziya, kayambala zlad’a kak kazi avok Ma didina ba, hurum mi zal kagi ki b’oziyogina d’uo d’a. Agi lagi ni hina, ar zlad’a kak kagi avok Ma didina d’i.

2 Sunda Hamuleinid’a 19:10 ပူးပေါင်းရင်းမြစ်များ

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 19:9

Mi hazi vuna ala: Agi lagi ni mandara Ma didina ki d’engzenga ki hur ma tuna bei mbàmbàd’a ba.

Buzuk ka Abud’a 18:16

Le zlad’a mba adigaziya ni, azi mba avoronu; an kazizi irat teyo, an tagazi vun ma hed’a hAlonina ki gat mamba mi.

Ezekiyel 3:17

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Ezekiyel 33:6

Le ma ndjola, mi we suma djangûna a nga djïya, wani mi bu nga adifa á ge hum suma d’uo ba, suma djangûna a mba a tchi sa aduk suma ni, ndata ni tchod’a hi ma ndjolid’a. An mba ni djop mad’a sa máma natam mamu.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Ndumba 17:11

Moise mi lahle ndazina d’igi Ma didina mi hum vuna na mi.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Gat ta a hat á mbàd’id’a 21:5

Ata yi máma suma ngat buzu suma andjafâ hi Levi-na a hud’ïya. Ni azi ba, Ma didina Alo magina mi manazi á le sun mamba, á b’e vuna ki simiyêmu. Ni azi ba, a min zla d’a tugiyo ndata ki zla d’a tchi mat ndata pet mi.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.