2 Sunda Hamuleinid’a 18:9 - Bible azumeina

⁹ Wani amul ma Israel-lâ kamul ma Juda-na, a nga ki baru mazi ma amula ataziya. Nge nge pî mi nga kaka yam zlam mam mba amula yam yima nding ma avun agrek ma Samari-nina, suma djok vun Alona a nga djok vuna avorozi mi.

2 Sunda Hamuleinid’a 18:9 ပူးပေါင်းရင်းမြစ်များ

2 Sunda Hamuleinid’a 18:10

Wani sama dingâ a yum ala Sedekiyas ni Kenäna goroma, mi zle aduvei suma kaweina, mi nga mi dala: Gola! Ma didina mi dala: Aduvei ndazina ni vama simata yam ad’eng nga ang mba kus ki yam suma Siri-na gak ang dabazi ki woi d’a.

2 Sunda Hamuleinid’a 18:29

Amul ma Israel-lâ mi de mi Josafat ala: An i ni mbut tan d’igi sama dingâ na á i durâ. Wani ang tchuk baru mang ma amula atangû. Hina amul ma Israel-lâ mi mbut tam d’igi sama dingâ na, azi i dur ayîna.

2 Sunda Hamuleinid’a 18:8

Ata yi máma amul ma Israel-lâ mi yi azong mam ma sunda tu, mi dum ala: Ang i atogo ang halanï Mise Jimla goroma.

Isai 14:9

Yima azuleina mi yir gak mi i kä ata ad’um mba dabid’a á d’ugulong kur mba manga, mi zlit suma azuleina avorong akulo zlapa ki suma nglo suma yam andagad’a adjeuna, mi tchol amuleina handjaf suma adjeuna akulo woi yam zlumiyô mazi suma amula pet mi.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Matiye 11:8

Wani agi i gologi ni me ge? Sama tchuk baru d’a djif fa luluîd’ina zu? Wani suma a nga tchuk baru d’a djif fa luluîd’ina ni suma a nga avo hamuleina.

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Matiye 6:29

Wani an nga ni dagiya, Salomon kur subur mamba pet pî, mi tchuk nga baru ma djif ma d’igi b’o mata na na d’i.

Wana ni mbaktum mba a b’irit yam Rut-ta 4:1

Bowas mi i avun azina ata yima suma a min zlad’a kuana, mi kak kä. Sama ad’u andjafâ hi Elimelek ma Bowas mi de zlad’a mi Rut kama, nga mi kala. Bowas mi yum mi dum ala: Vani, ang mbeï kak kä wana. Mi mba mi kak kä mi.