2 Sunda Hamuleinid’a 18:5 - Bible azumeina

⁵ Amul ma Israel-lâ mi tok mam suma djok vun Alona kikis fid’i, mi djobozi ala: Na ni ei i dur ayîna á hleï azì ma Ramot ma Galät-na, d’oze an i d’uo zu? Azi dum ala: Ang iya! Alona mba mi hang azì máma abongû.

2 Sunda Hamuleinid’a 18:5 ပူးပေါင်းရင်းမြစ်များ

1 Amuleina 12:9

Mi dazi ala: Sum ndazina a dan ala an hlazi sun nda anek ka abun mi tinizizi kazi d’igi magumeina na d’a woyo ni, agi dandiya! An i ni de mi sum ndazina nana ge?

1 Amuleina 18:19

Wani ki tchetchemba, ang tchuk sunda kur ambasa, kayam Israel-lâ pet a togï geven ka hî yam ahina d’a Karmel-la, zlapa ki suma kikis fid’i yam dok vahl suma a nga djok vun alo ma a yum ala Bäl-lâ ki suma kikis fid’i suma a nga djok vun alo d’a a yat ala Asera-d’a suma amula Jezabel nga d’i hazi tenina.

1 Amuleina 4:13

Ben-Geber ni ma a tinim kur Ramot ta nga kur Galät-tina; ni ma nga yam azì ma Jayir ma hi Manase gorom ma Galät-nina kambas sa Argop pa Basan-nda mi. Kur ambas ndata pet azì ma ad’engâ nga kua ni dok karagaya, mi nga nguid’a ki gulumuna ki kawei ma hleu ma murgulina kua mi;

2 Amuleina 3:13

Elise mi de mamul ma Israel-lâ ala: Vama ndolong ki sed’en ni me ge? Ang i djop suma djok vuna habungâ d’oze suma hasungâ. Amul ma Israel-lâ mi hulong dum ala: Nga na d’i! Ni Ma didina ba, mi yami ami amulei suma hindina ka hî á hami abo amul ma Mowap-ma.

2 Sunda Hamuleinid’a 18:14

Ata yima mi mba gen amulîna, amulâ Ahap mi djobom ala: Mise, djivid’a ami imi dur ayîna á hlazì ma Ramot ma Galät-na d’oze an i d’uo zu? Mise mi hulong dum ala: Agi igiya! Agi mba kuzugiya, Ma didina mba mi hagizi abogiya! Agi mba kuzugi kamu!

2 Sunda Hamuleinid’a 18:4

Josafat mi de mamul ma Israel-lâ ala: An nga ni tchenengû, ang djop Ma didina tua.

2 Sunda Hamuleinid’a 18:6

Wani Josafat mi djobom ala: Ma djok vuna hi Ma didina ma ding nga ka hî tala ei djobei Ma didina atamu d’a nga d’uo zu?

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

2 Timote 4:3

Kayam yina mba mi mba, suma a mba hum hat ta gagazid’a d’i, wani tazi mba lazi zlezleû á hum zla d’a azi min á humuta. Kur d’od’ok mazid’a azi mba yi suma hat suma ablaud’a yam taziya.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.