22 Mise mi de kua ala: Djiviya! Ki tchetchemba, Ma didina mi tin wa zla d’a kad’a avun mang suma djok vun suma a nga ka hina. Gagazi, Ma didina mi nga hurum á mbang ndaka kangû.
Amul ma Israel-lâ mi hulong dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi hulong dum ala: Amulâ, ar ang de hina d’i!
Jowas amul ma Israel-lâ mi ge sunda ata Amasiya amul ma Juda-na, mi dum ala: Bur tu awei d’a gurei d’a Liban-nda, ti ge sunda ata agu sedre ma Liban-na, ti dum ala: Ar an ve goronga mi gorona atchad’a. Wani ambur ma abagei ma Liban-na mi kal tita, mi miret awei d’a gurei ndata kä!
Ma didina mi de mi Moise kua ala: Fata ang hulong Ezipte-d’a, ahle suma yoyou suma an hangzi abong wana, ang mba lazi avok Faron. Wani an mba ni b’alam hurumu, mam mba mi ar Israel-lâ á id’a d’i.
Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.
Wani le ma djok vuna mi lobom mi dum zla d’a dinga ni, ni an Ma didina ba, mba ni lop ma djok vun máma, an mba ni hlabon kan akulo á ngobomu, an mba ni pad’am mbei aduk man suma Israel-lâ mi.
Kayam ndata, Ma didina mi dala: Gola! An nga ni nga hurun á mba ki ndaka yam agi andjaf ma hina na. Agi mba fud’ugi yagi woi d’i, agi mba tid’igi yagi akulo herengêleng nguo mi, kayam yi máma ni yima ndaka.