2 Sunda Hamuleinid’a 18:16 - Bible azumeina

¹⁶ Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei sama pola kazi ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

2 Sunda Hamuleinid’a 18:16 ပူးပေါင်းရင်းမြစ်များ

2 Samuel 2:7

Ar agi fagi ad’enga, agi kagagi nandjof suma gangrangâ. Kayam salagina Saul mi mit wa; ki tchetchemba, ni an ba, suma Juda-na a tinin amula kaziya.

2 Samuel 5:2

Avok ka Saul nga tamula kami tua d’a, ni ang ba, i ki Israel-lâ á durâ, ang hulong ki sed’ezi mi. Ma didina mi dang ala: Ni ang ba, mba pol man suma Israel-lâ, ang mba kak amulâ hi Israel-lîna mi.

1 Amuleina 22:17

Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei salazi ma pola ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

2 Amuleina 10:3

Agi gologi aduk amulâ groma ma djivi ma ndak á kak amulina, agi tinim yam zlam mba amula habumba. Bugola, agi minigi tagi á durugi yam suma avo hamulîna mi.

2 Sunda Hamuleinid’a 18:15

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

2 Sunda Hamuleinid’a 18:17

Amul ma Israel-lâ mi de mi Josafat ala: An dangî a na ge? Mi nga mi djogon vun ma djivi d’i, mi djogon ni vun ma tchona burâ ki burâ!

Ezekiyel 34:8

An Salad’a Ma didin ma bei matna ba na ni dala: Tumiyô mana a nga hurumuziya. Azi mbut ni vama vika hamburei suma abageina yam tchod’a hi suma polid’a. A nga djib’er yam timi man tu d’i, kayam azi polî azi tazid’a gogo, a nga pol tumiyô mana d’i.

Ezekiyel 35:4

An mba ni mbut azì mak ma nglona djona, ndak mba d’i mbut hohoud’a. Ata yi máma ndak mba d’i wala an ni Ma didina.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Ndumba 27:17

Ni sama mi ndak á nde avorozi á i ki sed’ezi abuna, ni ma tit avorozi á hulongôzi avona, ni ma mi buzuguzi abuna, ni ma hulongôzi avona mi. Kayambala ablau manga ti kak d’igi tumiyô suma bei salazi ma pola ba na na d’uo d’a.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

Marik 6:34

Kid’a Jesus mi nde woi kur alumbid’a, mi wablau suma ngola. Hurum hat kaziya, kayam azi ni d’igi tumiyô suma bei salazi ma pola ba na na. Mi nde mi had’azi ahlena ngola.