2 Sunda Hamuleinid’a 18:13 - Bible azumeina

¹³ Wani Mise mi hulong dum ala: Ma didina ni Ma bei matna ba na. An i ni de ni vama Alo mana mba mi dandjina.

2 Sunda Hamuleinid’a 18:13 ပူးပေါင်းရင်းမြစ်များ

1 Amuleina 22:14

Wani Mise mi dum ala: Ma didina ni Ma bei matna ba na. An i ni de ni vama Ma didina mba mi dandjina.

2 Sunda Hamuleinid’a 18:12

Ma sun ma mi i hal Mise-na mi mbaza, mi dum ala: Ang huma! Suma djok vun Alona pet a ndjak vunazi tu, a djok vun ma djivina mamulâ. Ang pî i djok vun ma djivina d’igi azi na mi!

2 Sunda Hamuleinid’a 18:14

Ata yima mi mba gen amulîna, amulâ Ahap mi djobom ala: Mise, djivid’a ami imi dur ayîna á hlazì ma Ramot ma Galät-na d’oze an i d’uo zu? Mise mi hulong dum ala: Agi igiya! Agi mba kuzugiya, Ma didina mba mi hagizi abogiya! Agi mba kuzugi kamu!

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Jeremi 42:4

Ma djok vun Alona Jeremi mi dazi ala: An huma! Gola! An nga ni tchen Ma didina Alo magina d’igi agi dagi na. An mba ni dagi woi bei ni ngeyegi zla d’a pet ta Ma didina mba mi hulongôgizi ded’id’a kä ba.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Ndumba 22:35

Malaikana hi Ma didinina mi de mi Baläm ala: Ang i ki sum ndazina! Wani ang de ni vama an mba ni dangzina. Baläm mi i ki suma nglona hi Bala’â.

Ndumba 23:12

Baläm mi hulong dum ala: An ni de ni zla d’a Ma didina mi tinindji avunanda d’uo zu?

Ndumba 23:26

Baläm mi hulong de mi Balak ala: An dang nga ala an mba ni le nahlena pet suma Ma didina mba mi dandjina d’uo zu?

Ndumba 24:13

Le Balak mi hanï gong mam mba oîd’a ki bege d’a hapa ki lorid’a pî, an ndak á so vun Ma didina á le vama djivi d’oze vama tcho d’i. An mba ni de ni vama Ma didina mba mi dandjina holu d’uo zu?

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

1 Korente-na 11:23

Wana ni vama an vum abo Salad’a ni hagizina: Salad’a Jesus kur andjege d’a a hum abo sumid’a, mi hlavungôna.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

1 Tasaloni’â 2:4

Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.