2 Sunda Hamuleinid’a 18:11 - Bible azumeina

¹¹ Suma djok vun suma dingâ pet a de ni zla ndata hina tu ala: Ang i dur ayîna kazì ma Ramot ma Galät-na; ang mba kuza, Ma didina mba mi hangzi abongû, ang mba kus kamu.

2 Sunda Hamuleinid’a 18:11 ပူးပေါင်းရင်းမြစ်များ

1 Amuleina 4:13

Ben-Geber ni ma a tinim kur Ramot ta nga kur Galät-tina; ni ma nga yam azì ma Jayir ma hi Manase gorom ma Galät-nina kambas sa Argop pa Basan-nda mi. Kur ambas ndata pet azì ma ad’engâ nga kua ni dok karagaya, mi nga nguid’a ki gulumuna ki kawei ma hleu ma murgulina kua mi;

2 Sunda Hamuleinid’a 18:10

Wani sama dingâ a yum ala Sedekiyas ni Kenäna goroma, mi zle aduvei suma kaweina, mi nga mi dala: Gola! Ma didina mi dala: Aduvei ndazina ni vama simata yam ad’eng nga ang mba kus ki yam suma Siri-na gak ang dabazi ki woi d’a.

2 Sunda Hamuleinid’a 18:12

Ma sun ma mi i hal Mise-na mi mbaza, mi dum ala: Ang huma! Suma djok vun Alona pet a ndjak vunazi tu, a djok vun ma djivina mamulâ. Ang pî i djok vun ma djivina d’igi azi na mi!

2 Sunda Hamuleinid’a 18:5

Amul ma Israel-lâ mi tok mam suma djok vun Alona kikis fid’i, mi djobozi ala: Na ni ei i dur ayîna á hleï azì ma Ramot ma Galät-na, d’oze an i d’uo zu? Azi dum ala: Ang iya! Alona mba mi hang azì máma abongû.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.