2 Sunda Hamuleinid’a 16:4 - Bible azumeina

⁴ Ben-Hadat mi ve zlad’a hi Asa-d’a, mi sun azigar mam suma nglo suma ad’engâ. A ngruf azì ma Israel-lâ durâ, a dur Ijon ki Dan ki Abel-Mayim kazì ma nglo ma Neftali ma a nga ngom ahlena kuana pet.

2 Sunda Hamuleinid’a 16:4 ပူးပေါင်းရင်းမြစ်များ

Ad’u Tinda 14:14

Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan.

1 Amuleina 15:20

Ben-Hadat mi ve zlad’a hi Asa-d’a, mi sun azigar mam suma nglo suma ad’engâ. A ngruf azì ma Israel-lâ durâ, a dur Ijon ki Dan ki Abel-Bet-Mäka kazì ma avun apod’a Kinerot-tina kambas sa Neftali-d’a pet mi.

1 Amuleina 9:19

mi min azì ma lara ge pet ma a ngom ahle mama kuana kazì ma nglo ma a tchuk pus mam ma dur ayîna kuana kazì ma nglona hi suma djang akulumeinina mi. Mi min ahlena pet suma mi ngazi kurum á minda avo Jerusalem-ma kavo Liban-na, kur ambas sa mam te kata pet mi. Sun nda ad’enga Salomon mi lata:

2 Amuleina 16:9

Amul ma Asiri-na mi hum zla mamba, mi i dur ayîna kambas sa Damas-sa, mi hlad’u, mi yo suma kurâ, mi izi magomba Kir, mi tchi Resin ndeyo.

2 Sunda Hamuleinid’a 16:3

mi dum ala: Ei djini vunei aduk tei d’igi abung mi djin vunam kabun na. Gola! An sunung sä kawei ma hapma ki lora he d’a hawad’a wana. Ang i but vun ma djin ma ang djinim ki Bäsa amul ma Israel-lîna woyo, kayam mi aran andaga manda.

2 Sunda Hamuleinid’a 16:5

Kid’a Bäsa mi hum zla ndatid’a, mi ar bei min azì ma Rama-na, mi ar sun mamba bei led’a mi.

2 Sunda Hamuleinid’a 17:12

Josafat simiyêm nga mi yi avogovogo, mi min azì ma ad’engâ kur Juda kazì ma nglona á ngom ahle suma tena kua mi.

2 Sunda Hamuleinid’a 8:6

Mi min azì ma Bälat-na kazì ma nglo ma a ngom ahle mama kuana pet kazì ma nglo ma a tchuk pus mam ma dur ayîna kuana kazì ma nglona hi suma djang akulumeinina mi. Mi min ahlena pet suma mi ngazi kurum á minda avo Jerusalem kavo Liban yam ambas sa mam te kata pet mi.

Buzuk ka Abud’a 1:11

Ata yi máma a tin suma a golozi ata yima sundina kazi á kid’eyêzi irazi ki sun nda aneka. Ni hina ba, a min azì ma Pitom ki Ramses-sâ á tchuk ahlena hi Faron-na kua.

Isai 9:1

Suma a nga tit kur nduvundina, a mba we b’o d’a ngola; suma a nga kak kä kur ambas sa nduvundina, b’od’a mba d’i b’o woi kazi mi.

1 Timote 6:10

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

Suma ka sariyad’a 20:1

Israel-lâ pet á buzugï woi tinï ad’ud’a Dan dei gak mba Berseba, ki suma yam ambas sa Galät-tina mi. Ablau suma a tok tazi avo Mispa ni d’igi sama tuna na.