2 Sunda Hamuleinid’a 15:9 - Bible azumeina

⁹ Mi tok suma Juda-na ki suma Benjamin-na pet, mi tok suma Efraim-ma ki suma hi Manase-na ki suma hi Simeon suma a nga kaka adigazina mi. Kayam ata yima Israel-lâ a we d’ala Ma didina Alo mama mi nga ki sed’emu d’a, ablaud’a a zlap ki sed’emu.

2 Sunda Hamuleinid’a 15:9 ပူးပေါင်းရင်းမြစ်များ

Ad’u Tinda 26:28

Azi hulong dum ala: Ami wami tetet ala Ma didina mi nga ki sed’engû. Ni kayam ndata, ami min ala ei guni tei aduk teya, ei djini vuneya.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

1 Amuleina 12:19

Ni kayam ndata ba, Israel-lâ a noî suma hi David-na ala a tamula kazi d’uo gak ini ni na.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

1 Sunda Hamuleinid’a 12:19

Suma hi Manase-na a i ad’u David kid’a mi i ki suma Filistê-na á dur Saul-la. Hina pet pî, mi i nga ná ndjun suma Filistê-na d’i. Ata yima a tok tazina, amulei mazina a digim avo, a dala: David mba mi top ad’um ki salama, mi yoi mi imziya!

2 Sunda Hamuleinid’a 11:16

Suma ad’u andjafâ hi Israel-lâ pet suma a tin huruzi á kud’or Ma didina Alona hi Israel-lîna a i ad’u suma hi Levi-na avo Jerusalem á hahle suma ngat buzuna mi Ma didina Alona hi abuyozi ngolona.

2 Sunda Hamuleinid’a 15:10

A tok avo Jerusalem kur til ma hindina kur biza d’a dogo yam vahl hla Asa nga mi tamulid’a.

2 Sunda Hamuleinid’a 19:4

Josafat mi kak avo Jerusalem. Bugola, mi nde nguid’a aduk sum mama, mi tinï ad’ud’a Berseba dei gak mba yam ahina d’a Efraim-mba, mi hulongôzï mi Ma didina Alona habuyozi ngolona.

2 Sunda Hamuleinid’a 30:25

Suma Juda-na, suma ngat buzuna, suma hi Levi-na, suma a tcholï yam ambas sa Israel-lâ a mbeï avo Juda-na pet, a tchol akulo, a le furîd’a.

Ezekiyel 37:16

Ang gor sana, ang hlaguna tu, ang b’ir atam ala: Wana ni mi Juda ki Israel suma a zlap ki sed’ema. Bugola, ang hlagu ma dingâ, ang b’ir atam ala: Wana ni Josef Efraim abum ki Israel suma a zlap ki sed’ema mi.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

1 Samuel 18:28

Saul mi gol na, mi wala Ma didina mi nga ki David; goromba Mikal hurut vum mi.