2 Sunda Hamuleinid’a 15:8 - Bible azumeina

⁸ Ata yima amulâ mi hum zla d’a ma djok vun Alona Azariya Odet goroma mi datina, mi ve tam ad’enga, mi pleî ahle suma ndjendje suma kur ambas sa Juda-d’a ki suma kur ambas sa Benjamin-nda ki suma kur azì ma nglo ma mam hlum yam ahina d’a Efraim-mbina woi pet. Mi hulong min yima ngal ahle suma ngat buzu ma b’lak kei ma nga avun gong nga kud’ora hAlonid’ina akulo mi.

2 Sunda Hamuleinid’a 15:8 ပူးပေါင်းရင်းမြစ်များ

1 Amuleina 11:5

Mi kud’or Astarte alod’a hi suma Sidon-nid’a ki Milkom alo ma ndjendjed’a hi suma Amon-nina mi.

1 Amuleina 11:7

Kur atchogoi ndata Salomon mi min yina tu, mi tinim iram vam yam ahinad’a abo ma ir Jerusalem-ma. Mi min yima ngal ahle suma ngat buzuna mi Kemos alo ma ndjendjed’a hi suma Mowap-mina yam yima nding máma, mi min yam Molok alo ma ndjendjed’a hi suma Amon-nina tu mi.

1 Amuleina 15:9

Kur biza d’a dok mbà yam tu d’a Jerobowam nga mi tamula yam Israel-lîd’a, Asa mi kak amula yam suma Juda-na.

2 Amuleina 16:14

Yima ngal ahle suma ngat buzu ma kawei ma hleuna, mi nga aduk vun gong nga kud’ora hi Ma didinid’a ki yima ngal ahle suma ngat buzu ma awilina. Wani Ahas mi djogom mbei gen ma awilina abo ma norâ.

2 Amuleina 18:22

Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

2 Amuleina 23:13

Mi b’lak yima nding ma Salomon amul ma Israel-lâ mi minim avor Jerusalem d’ar abo ma ndjufâ hahina d’a B’lak sumid’a mi Astarte alo d’a ndjendjed’a hi suma Sidon-nid’a, Kemos alo ma ndjendjed’a hi suma Mowap-mina, mi Milkom alo ma ndjendjed’a hi suma Amon-nina mi.

2 Sunda Hamuleinid’a 13:19

Abiya mi dik Jerobowam, mi yom azì mam ma nglona, mi hlazì ma Betel-lâ, azì ma Jesana, azì ma Efron-na kazì ma gurei ma nguyuzina pet mi.

2 Sunda Hamuleinid’a 17:2

Mi tchol ad’enga á dur ki Israel-lâ, mi tin azigarâ kur azì ma nglo ma Juda-na pet kazì ma a ngom ahle suma ayîna kua kur ambasina kazì ma nglo ma Efraim ma abum Asa mi hluma pet mi.

2 Sunda Hamuleinid’a 19:11

Gola! Ma ngol ma ngat buzuna Amariya ni ma ngol ma kagi yam ahlena hi Ma didina petna. Zebadiya Ismael gorom ma te yamba kur azì ma Juda-na ni ma yam ahlena hamulâ petna, suma hi Levi-na ni magi suma nglo suma ka sariyad’a. Agi kagagi ngingring, kagi sariya d’a d’ingêra! Ar Ma didina mi kak ki sama mba mi le djivid’ina!

2 Sunda Hamuleinid’a 19:4

Josafat mi kak avo Jerusalem. Bugola, mi nde nguid’a aduk sum mama, mi tinï ad’ud’a Berseba dei gak mba yam ahina d’a Efraim-mba, mi hulongôzï mi Ma didina Alona habuyozi ngolona.

2 Sunda Hamuleinid’a 29:18

Bugola, suma hi Levi-na a i avo gen amulâ Ezekiyas, a dum ala: Amulâ, ami mbud’umiya wa gong nga kud’ora hi Ma didinid’a yed’et da’, nala, yima ngal ahle suma ngat buzuna kahle suma a le ki sunda kama pet ki tabul ma a tin avungôna mAlona kama kahle suma a le ki sunda kama pet mi.

2 Sunda Hamuleinid’a 4:1

Mi min yima ngal ahle suma ngat buzuna ni ki kawei ma hleuna. Fiyagamî metred’a dogo, bubuwamî metred’a dogo, fiyagam mba akulod’a ni metred’a vahl mi.

2 Sunda Hamuleinid’a 8:12

Ata yi máma Salomon mi hahle suma ngat buzu suma ngala mi Ma didina yam yima ngal ahle suma ngat buzuna hi Ma didina ma mam minim avun gongina.

Isai 44:14

Nga mi ka agu sedrena, d’oze mi hlagamba d’oze agu sena, d’oze nga mi man aguna aduk agu ma abageina, d’oze nga mi pagu pêna, alona mi se kam mi wulum mi.

Isai 65:4

Ni suma a nga kaka aduk asud’a suma a nga bur angra ahuniyônina. Ni suma a nga mut kozongâ, suma a nga yi te ma ndjendjed’a kur duguyo mazinina mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Ezekiyel 8:10

An ni kala, ni gol yina. An wahle suma a hle tazi d’igi ahle suma a dram kä na na na kahle suma a hle tazi d’igi ahle suma ari suma ndjendjed’a na na ki filei ma Israel-lâ a ndjaram akulo huyok gulumuna a nguyum mbei d’uhlâ pet mi.

Sunda hi suma hi Levi-nid’a 18:30

Agi tid’igi yam vun man ma hed’a, agi lagi sun nda ndjendje d’a a lat avorogi kuad’a d’i, agi mbud’ugi tagi ndjendjed’a ki sed’et tuo mi, kayam an ni Ma didina Alo magina.

Matiye 25:16

Ata yi máma na wat, ma ve talanda vahlâ, mi i mbut abom ki sed’ed’u, mi fe mbina kat kua vahl.

Sunda hi suma a sunuzinid’a 28:15

Kid’a b’oziyoi suma kur azì ma ngol ma Rom-ma a humumi zlamid’id’a, a tcholï dei gak a mba d’ugulomi ad’u Suk ma Apiyus-sâ, avun Gong nga akoi d’a hindid’a. Kid’a Paul mi we sum ndazina, mi le mersi mAlona, hurum b’lengâ.

Gat ta a hat á mbàd’id’a 27:15

Sama mi langus vama tcheta mi yor kawei mala ni sun nda ndjendje d’a sana mi lat kabom kur d’al mamid’a ba, mi tinit nga gumun á kud’urod’u ni, Ma didina mi gum vuna! Ablau suma petna a hulong ded’a ala: Amin!

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.