2 Sunda Hamuleinid’a 15:7 - Bible azumeina

⁷ Wani ki tchetchemba, agi vagi tagi ad’enga, ar tagi tchuk lus si, kayam a mba wuragagi yam sun magid’a.

2 Sunda Hamuleinid’a 15:7 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

2 Sunda Hamuleinid’a 19:11

Gola! Ma ngol ma ngat buzuna Amariya ni ma ngol ma kagi yam ahlena hi Ma didina petna. Zebadiya Ismael gorom ma te yamba kur azì ma Juda-na ni ma yam ahlena hamulâ petna, suma hi Levi-na ni magi suma nglo suma ka sariyad’a. Agi kagagi ngingring, kagi sariya d’a d’ingêra! Ar Ma didina mi kak ki sama mba mi le djivid’ina!

2 Sunda Hamuleinid’a 32:7

Agi sogi tagiya, agi vagi tagi ad’enga, agi lagi mandar ri, ar tagi tchuk lus avok amul ma Asiri-na kablau suma mimiyâk suma a nga ki sed’ema d’i. Kayam suma a nga ki sed’eina a kal suma a nga ki sed’ema!

Sawal la giled’a 19:11

Djivi mamba kal lora, kal lor ra a yorot kakud’id’a woi dei; adjib’et mamba ti kal mbul ayuma, ti kal mbul ayum ma nga mi djang kä ir sëma.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Jeremi 31:16

Wani Ma didina mi de kua ala: Ndak ba tchina, ndak set simina irak keyo. Kayam an nga ni wuragak yam sun maka. An Ma didina ni de na. Gro’â a mba tcholï avo hi mazi suma djangûna, a mba mba.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Matiye 5:46

Le agi lagi ni yam suma a le kagina holu ni, agi mba fagi ni wuraga me abo Alona ge? Suma ve lombod’a a nga le hina mi d’uo zu?

Matiye 6:1

Jesus mi had’azi kua ala: Agi gologi tagi djiviya, ar agi lagi sun magi d’a djivid’a ni ir suma go d’i. Le agi lagi na ni, agi mba fagi wuraka abo Abugi ma sä akulona d’i.

Matiye 6:18

kayam suma a wala ang d’el nga tang bei te tenä na d’i. Wani ang ta’î mAbung ma nga ngeid’ina hol. Abung ma wahle suma a nga ngeid’ina, mba mi wuragangû.

Matiye 6:4

Ar he d’a hawa manga ka’î ngeid’a. Abung ma nga mi wahle suma ang nga hazi gumuna, mba mi wuragangû.

Matiye 6:6

Wani ata yima ang min á tchen Alonina, ang kal klavi hatangû, ang duk vun gong manga, ang tchen Abung ma nga ata yima ngeid’ina. Abung ma we ata yima ngeid’ina mba mi wuragangû.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

1 Korente-na 3:14

Le sunda hi sama mi min yam ad’u ge ndatina ti ngal nga woi d’uo ni, sa máma mba mi fe wuraka.

1 Korente-na 3:8

Sama ped’a ki ma vo mbina, azi ni tu. Nge nge pî, Alona mba mi wuragam yam sun mam mba mi lata.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Kolos-sâ 3:24

Kayam agi wagi ala mam mba mi wuragagi kahle suma mam nga mi ngomozi yam sum mamina, kayam Salagi ma gagazi ma agi nga lum sundina ni Christ.

Hebre-na 10:35

Ar tagi tchuk lus yam vama agi tinigi hurugi kama d’i, kayam wurak mamba nga ngola.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 1:7

Wani ang ve tang ad’enga, ang so tangû, ang ngom gat ta pet ta Moise azong mana mi hang vuna kata, ang tit kat mi. Ar ang i abo ma ndjuf foze abo ma gula d’uo mi. Hina wani, ang mba fahlena pet suma ang mba lazina.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 14:14

Ni kayam ndata ba, azì ma Hebron-na mi arî hi Kalep Jefune gorom ma ad’u andjafâ hi Kenas-sâ gak ini, kayam mi tit yam lovota hi Ma didina Alona hi Israel-lîna memet.

2 Jean 1:8

Agi gologi tagi djiviya, ar agi vid’igi vama agi lagi sunda kama woi d’i, wani agi fagi wurak magid’a kam memet.

Wana ni mbaktum mba a b’irit yam Rut-ta 2:12

Ar Ma didina mi wuragak yam djivi mak ka ndak lata; ar Ma didina Alona hi Israel ma ndak mba á ngei tak atama, mi wuragak ngola!