2 Sunda Hamuleinid’a 15:3 - Bible azumeina

³ Israel-lâ a le bizad’a ablaud’a bei Alo ma gagazina adigaziya, bei ma ngat buzu ma mi had’azina, bei gat mamba adigazi mi.

2 Sunda Hamuleinid’a 15:3 ပူးပေါင်းရင်းမြစ်များ

2 Sunda Hamuleinid’a 17:7

Kur biza d’a hindi d’a mi nga mi tamulid’a, mi sun mam suma sunda, nala, Ben-Hayil, Obadiya, Zakari, Natanel ki Mikaya á hat suma kur azì ma nglo ma Juda-na.

Nehemi 8:9

Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Sunda hi suma hi Levi-nid’a 10:11

Agi had’agi Israel-lâ gat ta an Ma didina ni hazizi avunang ang Moise-sa.

Sunda hi suma hi Levi-nid’a 10:8

Ma didina mi de mi Aron ala:

Amos 8:11

Salad’a Ma didina mi dala: Burâ nga mi mba, kur bur máma an mba ni sunï baktarad’a kur ambasa, meid’a mba d’i tchi suma, wani ni yam tena d’i. Vunazi mba mi so, wani ni yam mbina d’uo mi. Wani mei d’a mba d’i tchi sumid’a ki vun ma so ma mba le sumina ná hum zla d’a ndavunan an Ma didinid’a.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Romê-na 2:12

Suma pet suma a le tchod’a bei we gata hi Moise-sina, a mba ba woi ni bei gat ndata. Wani suma pet suma a we gata hi Moise-sa suma a le tchod’ina, gat ndata mba d’i kazi sariyad’a kazi mi.

1 Korente-na 9:21

Hina mi, ata yima an nga aduk suma bei we gatina, an mbut tan d’igi azi na, wani an nga ad’u gat ndata d’i, kayam á faziya. Nala, an ge nga ni yan kä ad’u gata hAlonid’a d’uo na d’i, kayam an ge yan kä ad’u gata hi Christ-sa.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.