2 Sunda Hamuleinid’a 15:2 - Bible azumeina

² Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 15:2 ပူးပေါင်းရင်းမြစ်များ

1 Amuleina 11:25

Kid’a Salomon nga mi tamula tua d’a, Rezon mi kak djangûna ki Israel-lâ. Tcho d’a mi lata ni d’igi d’a hi Hadat-ta na mi, mi noî Israel-lâ woyo, mi tamula yam suma Siri-na mi.

1 Amuleina 18:18

Elie mi hulong dum ala: Ni an ba ni mba ki ndaka yam Israel-lâ d’i; ni ang ki simiyêngû, kayam agi gagi nga yagi kä ad’u vun ma hed’a hi Ma didinina d’i. Wani agi igi lagi sunda malo ma a yum ala Bäl-lâ.

2 Amuleina 21:14

An mba ni noî man suma a arâ woyo, an mba ni hazi abo mazi suma djangûna, a mba hurumuziya, a mba yozi ahle mazina pet mi.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 11:12

Kur azì ma nglo máma, ma lara pî mi nga ki mboriyo suma nglona kasubiyona kua. Ni kayam azì ma ad’eng máma ba, mam fad’enga á te yam suma hi Juda-na ki suma hi Benjamin-na mi.

2 Sunda Hamuleinid’a 12:5

Ata yi máma Semaya ma djok vun Alona mi i gen Robowam ki suma nglo suma Juda suma a nga toka Jerusalem abo Sisa’â, mi dazi ala: Gola! Ma didina mi dala: Agi aran ndeyo! An tan pî ni aragi woi mi! An hagiya wa abo Sisak!

2 Sunda Hamuleinid’a 13:12

Gola! Alona mi nga ki sed’emiya, mi nga mi tit avoromiya, mam suma ngat buzuna a nga kaduvei suma tchina á bud’a á tagami lovota á dur ayîna ki sed’egiya. Agi Israel-lâ, ar agi durugi ayîna ki Ma didina Alona habuyogi ngolona d’i, kayam agi ndak á kus kam mbi.

2 Sunda Hamuleinid’a 13:4

Abiya mi djak akulo yam ahina d’a Semarayim mba yam ahina d’a Efraim-mba, mi de mi Jerobowam ki mam suma Israel-lâ pet ala: Agi humugiya!

2 Sunda Hamuleinid’a 15:15

Suma Juda-na ki zla tazi pet a le furîd’a yam gun nda azi gun tazid’a, kayam azi gun tazi ni ki hur ma tuna, a hal Ma didina ni ki furîd’a, mi arazi a fum mi, kayam Ma didina mi hazi lovota á tuk tad’a ata yima lara ge pet mi.

2 Sunda Hamuleinid’a 15:4

Wani kur ndak mazid’a azi hulong gen Ma didina Alona hi Israel-lîna, a halamu, mi arazi a fum mi.

2 Sunda Hamuleinid’a 20:15

Mi de ki delem akulo ala: Agi suma Juda-na, agi suma Jerusalem-ma ki ang tang amulâ Josafat, agi humugiya! Ma didina mi dala: Agi lagi mandar ri, ar vun adigagi pat abo azigar suma mimiyâk ndazina d’i! Ni agi ba, mba durugi d’i, wani ni an Alo magina ba, mba ni dur ayîna kagiya.

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

2 Sunda Hamuleinid’a 24:20

Ata yi máma Muzu’â hAlonina mi mba yam Zakari ma ngat buzuna Jehojada goroma, mi tchol akulo avok suma, mi dazi ala: Alona mi dala: Ni kayam me ba, agi tchilagi yam vun ma hed’a hi an Ma didinina ge? Agi mba fagi djivid’a d’i. Kayam agi noyôn an Ma didina woyo, an mba ni noyôgi woi mi!

2 Sunda Hamuleinid’a 26:5

Kid’a Zakari mi nga ki iramba, Oziyas mi tin hurum á hal Alona. Ni Zakari ba, mi had’am á le mandara Alona. Ata yima mi nga hal Ma didina Alonina, mi lum djivid’a mi.

2 Sunda Hamuleinid’a 32:8

Suma a nga ki sed’ema a ni suma hawa, wani ma nga ki sed’eina ni Ma didina Alo meina. Ni mam ba, mba mi ndjuni kur ayî ma durâ. Ablau suma pet a he gagazid’a yam zla d’a Ezekiyas amul ma Juda-na mi data mi.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

2 Sunda Hamuleinid’a 33:12

Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

2 Sunda Hamuleinid’a 34:3

Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.

Esdras 8:22

Ni vama zulona iran á de mamulâ tala mi hami azigarâ ki suma djang akulumeina á ngomomi kur tita abo suma djangûna d’a, kayam ami dami mamulâ ala: Alo mamina iram nga tinda kamiya, yam suma pet suma a nga halama. Wani ad’eng mamba kayî mama a nga yam suma a nga noyôm mbeina.

Sawal la giled’a 34:4

Agi hagi ngola mi Ma didina zlapa ki anu; ei pet suburum simiyêm mi.

Sawal la giled’a 53:2

Suma lilid’a a nga de kuruzi ala: Alona nga d’i! Azi ni suma b’lak keina, a le ni sun nda ndjendjed’a; sama le djivid’a tu pî nga d’i.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 51:1

Ma didina mi dala: Agi suma nga tid’igi bugol d’ingêrina, agi humundiya! Agi suma nga halan an Ma didinina, agi mbud’ugi iragi gologi ahina d’a a buzugugi kuad’a, ki zul ahina d’a a buzugugi kuad’a.

Isai 7:13

Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Amos 5:14

Agi halagi ni djivid’a, agi halagi ni tchod’a d’i. Hina wani, va mba mi lagi d’i. Ma didina Alo ma ad’engêm kal petna mba mi kak ki sed’egi d’igi agi dagi na.

Ndumba 14:42

Ar agi igi d’i, kayam Ma didina mi nga adigagi d’i. Ar magi suma djangûna a durugi a kus kagi d’i.

Ndumba 14:43

Kayam suma Amale’â ki suma Kanan-na a nga avorogiya, a mba durugi a mba tchagiya. Kayam agi walagi woi ki Ma didina, mam mba mi i ki sed’egi d’i.

Matiye 13:9

Sama nga ki humba á humbina, ar mi huma.

Gat ta a hat á mbàd’id’a 20:1

Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?

Gat ta a hat á mbàd’id’a 4:29

Nata yi máma ba, agi mba halagi Alo magina. Le agi halagizi ki hurugi tu ki djib’er magid’a ped’u ni, agi mba fumu.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Josue 22:31

Fines ma ngat buzuna Elazar goroma, mi hulong de mi suma hi Ruben-na, suma hi Gad-na ki suma hi Manase-na ala: Ami wami ini ala Ma didina mi nga adigeya! Agi lagi nga ni sun nda ata yat tuo d’a avok Ma didina d’i, agi pad’agi ni Israel-lâ woi abo Ma didina.

Josue 24:20

Le agi aragiya wa Ma didina woi i kud’urogi wa alo ma dingâ ni, mi lagi djivid’a wan pî, mam mba mi mbut iram atagiya, mba mi lagi tchod’a, mba mi dabagi woi mi.

Vama ndum mbeina 2:11

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, mat ma mbàna mba mi tchazi d’i.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Vama ndum mbeina 2:29

Sama nga ki humbina, ar mi hum vama Muzu’â hAlonina nga mi dum mi Tokina.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 3:13

Sama nga ki humbina, ar mi hum vama Muzu’â hAlonina nga mi dum mi Tokina.

Vama ndum mbeina 3:22

Sama nga ki humbina, ar mi hum vama Muzu’â hAlonina nga mi dum mi Tokina.

Vama ndum mbeina 3:6

Sama nga ki humbina, ar mi hum vama Muzu’â hAlonina nga mi dum mi Tokina.

Suma ka sariyad’a 10:13

Wani agi aran ndeyo, agi kud’urogi alo ma dingâ. Ni kayam ndata ba, an nga sud’ugi d’uo ni na.

Suma ka sariyad’a 9:7

Jotam mi huma, mi i djak akulo yam ahina d’a Garizim-mba yat ta ked’iwurenga, mi er ad’um akulo, mi dazi ala: Agi suma nglo suma Sikem-ma, agi humunu, ar Alona mi humugi mi!

1 Samuel 12:14

Le agi nga gagi yagi kä avok Ma didina, agi nga lum sunda, agi nga humum vunamu, agi nga tchilagi yam vun ma he mama d’uo, agi kamul magina agi nga tid’igi bugol Alo magina mi ni, ni djiviya.

1 Samuel 12:15

Wani le agi nga humum vunam mbuo, agi nga tchilagi yam gat mamba mi ni, Ma didina mba mi ngobogi d’igi mi ngop abuyogi ngolo adjeu na mi.