2 Sunda Hamuleinid’a 15:16 - Bible azumeina

¹⁶ Amulâ Asa mi pat asum ngolo Mäka woi kur amul mata, kayam ti yor fileina malo d’a a yat ala Asera-d’a, mi he vuna ala a b’lak filei máma woyo, a mbud’um d’igi gugud’upa na, a ngalam mbei avun toliyon nda Kedron-nda.

2 Sunda Hamuleinid’a 15:16 ပူးပေါင်းရင်းမြစ်များ

1 Amuleina 15:10

Mi tamula avo Jerusalem bizad’a dok fid’i yam tu. Asum ngolo a yat ala Mäka, ni Abisalom goromba.

1 Amuleina 15:2

Mi tamula avo Jerusalem bizad’a hindi. Asum a yat ala Mäka ni Abisalom goromba.

2 Amuleina 23:12

Mi to yima ngal ahle suma ngat buzu ma teteng ma amulei suma Juda-na a minim akulo yam gonga hi Ahas-sina ki ma Manase mi minim kur atrang nga mbà d’a avun gonga hi Ma didinid’ina, mi pleyêzi woi ndjandjap. Ata yi máma, mi yozi mi tchuguzi sä woi kur toliyon nda Kedron-nda.

2 Amuleina 23:15

Josiyas mi b’lak yima ngal ahle suma ngat buzuna ki yima nding ma Jerobowam Nebat goroma mi minim avo Betel á zut ki Israel-lâ á le tchod’ina woyo, mi ngal yima nding máma woyo, mi mbud’um butna, mi ngal agu ma murguli ma a pum mi Asera-na woi mi.

2 Amuleina 23:4

Bugola, amulâ mi he vuna mi ma ngol ma ngat buzuna Hilkiya ki suma avunama ki suma ngat buzu suma a nga ngom vun gong nga kud’ora hi Ma didinid’ina ala a yo ahle suma kur gonga hi Ma didinid’a suma a nga le ki sunda mi Bäl ki Asera kahle suma akulona woi pet. A i ngalazi sä woi bugol azì ma Jerusalem-ma avun toliyon nda Kedron-nda, a yo butna, a im sä woi Betel.

2 Amuleina 23:6

Mi pat agu ma murguli ma a pum malo d’a a yat ala Asera-d’a na woi kur gong nga kud’ora hi Ma didinid’a á i ngalam mbei bugol Jerusalem avun toliyon nda Kedron-nda, mi i b’lagam mbei a mired’em bud’um kä kaseziya, a yom a yagam sä woi yam asud’a hi suma houd’ina.

2 Sunda Hamuleinid’a 15:17

Wani mi b’lak nga yima nding ma Israel-lâ a tinim iram vama woi d’i. Hina pet pî, kid’a Asa mi nga ki iramba tua d’a, mi nga mi le yam Ma didina ki hurum tu.

2 Sunda Hamuleinid’a 29:16

Suma ngat buzuna a tchuk klavi kur gonga á mbud’ut hurut yed’et, a yo ahle suma ndjendje suma a nga kur gong nga kud’orina woi abu pepet, a tchuguzi kä kur gulumuna hi gong nga kud’orina. Suma hi Levi-na a yozi a tchuguzi sä woi bugol azina kur hor ra Kedron-nda.

2 Sunda Hamuleinid’a 30:14

A tchol akulo, a pleî yima ngal ahle suma ngat buzu ma tetengâ ki yima ngal dubang ma his djivid’a ma teteng ma avo Jerusalem-ma woyo, a tchuguzi sä woi kur toliyon nda Kedron-nda.

2 Sunda Hamuleinid’a 34:7

Mi to yima ngal ahle suma ngat buzuna mi fileina ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a ki filei ma teteng ma a tched’ema kä woi kikizek, mi mbud’uzi d’igi andaga d’a gugud’upa na, mi to filei ma afat ma tetengâ kä woi kur ambasa pet, tua ba mi hulong avo Jerusalem.

Buzuk ka Abud’a 32:20

Mi hle amuhl ma a yoroma, mi gum aku mi ngalam mbeyo, mi lud’um mbei butna, mi yagam bud’um aduk mbina, mi orom Israel-lâ kad’enga ala a tche mbiyo máma.

Buzuk ka Abud’a 34:13

Wani agi pleyêgi yi mazi ma teteng ma ngal ahle suma ngat buzuna woyo, agi togi filei mazi ma teteng ma tcheta woyo, agi kuzugi filei mazi ma a lum tetengâ woi mi.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Zakari 13:3

Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina.

Marik 3:21

Kid’a simiyêm a hum zla ndatid’a, azi buzuk a iza á vum mbeyo, kayam azi dala: Yam mbut wa da’.

Jean 18:1

Kid’a Jesus mi dahle ndazina dad’a, mi buzuk ki mam suma hata, a djak toliyon nda Kedron-nda. Ata yi máma, asinena nga; mi kal kua ki mam suma hata.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Gat ta a hat á mbàd’id’a 33:9

Azi suma a dala azi we nga abuyozi kasuyozi d’uo na, ni sumala a we nga b’oziyozina ki grozina d’uo mi na, kayam suma hi Levi ndazina a ngom zla manga ki vun mang ma djinda mi.

Gat ta a hat á mbàd’id’a 7:5

Wana ni vama agi lum ki sed’ezina: Agi pleyêzi yi mazi ma teteng ma ngal ahle suma ngat buzuna woyo, agi togi angus ahle mazi suma tcheta woyo, agi kuzugi filei mazi ma teteng ma nga tchola avun agre’îna woyo, agi ngalazi filei mazi ma teteng ma a tched’ema woi mi.

Gat ta a hat á mbàd’id’a 9:21

An hle gor amuhl ma lor mala ni sun nda tcho d’a agi lat kabogid’a na, an ngalam mbei kakud’a, an lud’um mbei gak ni mbud’um butna, ni tchugum mbei aduk mbiyo ma nga mi djangî kä yam ahinad’ina.