2 Sunda Hamuleinid’a 15:14 - Bible azumeina

¹⁴ A gun tazi avok Ma didina ki delezi akulo, a tum sora, a bu aduveina kadif fa ngola mi.

2 Sunda Hamuleinid’a 15:14 ပူးပေါင်းရင်းမြစ်များ

2 Sunda Hamuleinid’a 15:13

Sama lara ma mi ge nga yam kä ad’u minda hAlona hi Israel-lîd’a d’uo na, le ni gogorâ, d’oze sama ngolâ, d’oze mandjufâ, d’oze atchad’a, a tchum mbeyo.

2 Sunda Hamuleinid’a 15:15

Suma Juda-na ki zla tazi pet a le furîd’a yam gun nda azi gun tazid’a, kayam azi gun tazi ni ki hur ma tuna, a hal Ma didina ni ki furîd’a, mi arazi a fum mi, kayam Ma didina mi hazi lovota á tuk tad’a ata yima lara ge pet mi.

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Nehemi 5:13

Ata yi máma an po vun baru man nda ngola woyo, an dala: Ar Alona mi le ki sama lara ma tchol nga yam vun ma hle mama d’uo na hina dedege mi, mi digim mbei hur aziyamu; ar mi fe va bugol luo d’a. Suma petna a dala: Amin! (Nala, Nä!) A gile Ma didina, a tchol yam vun ma hle máma.

Sawal la giled’a 98:6

Agi suburugi Ma didina amul ma ngolâ kaduvei suma nglona kaduvei suma gureina mi.

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Buzuk ka Abud’a 24:7

Mi hle mbaktum mba a djin vunazi kua ki Ma didinid’a, mi ndumut avok Israel-lâ. Azi de woi ala: Ami mba lami ahlena pet suma Ma didina mi damizina, ami mba humum vunam mi.

Josue 24:24

A hulong de mi Josue ala: Ami mba lami sunda mi Ma didina, ami mba gami yami kä ad’u zla mamba mi.