2 Sunda Hamuleinid’a 15:11 - Bible azumeina

¹¹ Kur bur máma a hahle suma a yozï hurumbina vama ngat buzuna mi Ma didina, nala, amuzleina 700 ki tumiyôna 7000 mi.

2 Sunda Hamuleinid’a 15:11 ပူးပေါင်းရင်းမြစ်များ

2 Sunda Hamuleinid’a 1:6

Ata yi máma Salomon mi djak akulo yam yima ngal ahle suma ngat buzu ma a minim ki kawei ma hleunina avok Ma didina, ni ma nga avun zlub’u d’a ngaf tad’ina, mi hahle suma ngat buzu suma ngala dubu.

2 Sunda Hamuleinid’a 14:12

Asa ki sum mama a digizi gak a mbaza Gerar, a tchi suma Etiyopi-na kakaf. Sa mi sut nga tu d’i, kayam a b’rau woi avok Ma didina ki azigar mama yayak. Asa ki sum mama a kus kazi kus sa ngola, a hurumï ahle mazina ngola mi.

2 Sunda Hamuleinid’a 15:10

A tok avo Jerusalem kur til ma hindina kur biza d’a dogo yam vahl hla Asa nga mi tamulid’a.

2 Sunda Hamuleinid’a 7:5

Amulâ Salomon mi ngat amuzleina buzuna 22.000 kaho’â 120.000. Ni hina ba, amulâ ki suma pet a tin gonga hAlonid’a irat vad’u.

Ndumba 31:50

Kayam ndata, ami mbami ki he d’a hawad’a mi Ma didina. Nge nge pî mi mba kahle suma lor suma ami fazina, nala, vayirâ, wulaka, ngangama, ngangam ma humba ki ma kela, kayambala ami zlubumi yam tcho mamid’a avok Ma didina d’a.

1 Samuel 15:15

Saul mi hulong dum ala: Azigarâ a yozï nabo suma Amale’â; azi ar ahok suma djivina kamuzlei suma djivina á ngad’azi buzuna mi Ma didina Alo mangâ. Ad’uzi d’a ara ami b’lagazi woi pepet.

1 Samuel 15:21

Wani azigar mana a yoï ahle suma djivina aduk aho’â kamuzleina d’igi he d’a hawa d’a ngad’a yam ahle suma avok suma b’lagazi woina na á ngad’azi buzuna mi Ma didina Alo mangâ ka hî avo Gilgal.