2 Sunda Hamuleinid’a 14:7 - Bible azumeina

⁷ Azigar suma hi Asa suma Juda suma a dur ki mbarei d’a nglod’a kasapina a ni 300.000. Azigar suma Benjamin suma a dur ki mbarei d’a gureid’a ki yeûd’ina a ni 280.000. Azi pet ni grang suma dur ayîna.

2 Sunda Hamuleinid’a 14:7 ပူးပေါင်းရင်းမြစ်များ

1 Amuleina 15:23

Sunda hi Asa d’a ara pet kad’eng mam mba dur ayîna kahle suma mi lazina pet kazì ma mam minima, a b’irizi nga kä kur Mbaktum mba de zlad’a yam Sunda hAmulei suma Juda-nid’a. Ata yima mi djeng mamarina, tugud’eid’a ti lum asem mi.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

2 Sunda Hamuleinid’a 14:4

Mi to yima nding ma a ngal ahle suma ngat buzuna malo ma dingîna ki yima a ngal mbul ma his ma afufuîna kuana woi kur azì ma Juda-na pet. Kayam ndata, leu mamba ti kak ki halasa.

2 Sunda Hamuleinid’a 14:6

Mi de mi suma Juda-na ala: Ei mini azì ma nglo máma, ei nguyum ki gulumuna ki gongîyo suma fuyogei suma ndjola, ei dugi bapma avun ki kawei ma murgulina, kayam ambasa ti nga aboi tua. Ei ni suma d’engzengâ avok Alo meina. Ni kayam d’engzeng ndata ba, mi hei tuk tad’a ata yina pet wana! A min azì ma nglo máma akulo ki djivid’a.

2 Sunda Hamuleinid’a 15:15

Suma Juda-na ki zla tazi pet a le furîd’a yam gun nda azi gun tazid’a, kayam azi gun tazi ni ki hur ma tuna, a hal Ma didina ni ki furîd’a, mi arazi a fum mi, kayam Ma didina mi hazi lovota á tuk tad’a ata yima lara ge pet mi.

2 Sunda Hamuleinid’a 17:13

Mi le sunda ngola kur azì ma nglo ma Juda-na; azigar suma gangrang suma durâ a nga avo Jerusalem mi.

2 Sunda Hamuleinid’a 17:17

Ad’u andjafâ hi Benjamin-na ma ngol ma avorozina ni Eliyada. Azigar suma gangrang suma a nga ki sed’ema a ni 200.000. Ni suma a dur ki yeûd’a ki mbareid’ina.

2 Sunda Hamuleinid’a 20:30

Leud’a hi Josafat-ta ti kak ki halasa, Alo mama mi hum tuk tad’a ata yima lara ge pet mi.

2 Sunda Hamuleinid’a 25:5

Amasiya mi tok suma Juda-na pet, mi ndjarazi ad’u adezezi ad’u adezeziya, suma nglo suma avok suma dudubuna ki suma nglo suma avok suma kikisâ, nala, suma hi Juda-na ki suma hi Benjamin-na pet. Mi ndumuziya, tin ad’ud’a yam suma bizazi kal dok mbàna, mi fe suma 300.000, ni suma a ndak á i dur ayîna, ni suma a we dur ayîna kasapa ki mbareid’a heîna.

2 Sunda Hamuleinid’a 26:13

Azigar suma ad’u ad’eng mazid’ina a ni 307.500, ni azigar suma gangrang suma a we durâ suma a nga ndjun amulâ á dur ki mam suma djangûnina.

2 Sunda Hamuleinid’a 32:5

Ezekiyas mi ve tam ad’enga, mi min gulumuna iram mba b’lak keid’a akulo, mi min gong nga fiyak ka ndjola akulo, mi min gulumun ma ad’eng ma dingâ woi abua, mi hulong mi min Milo d’a kur Azì ma ngolâ hi David-nid’a ad’enga ngungu, mi zle ahle suma dur ayîna ablaud’a ki mboriyona mi.

2 Sunda Hamuleinid’a 8:5

Mi min azì ma Bet-Horon ma akulo ata yima ndingîna kazì ma Bet-Horon ma kä ata yima ligitimina. Nazì ma nglo ma ad’eng ma nga ki gulumuna, mi nga ki bapma ki kawei ma murgulina kuana.

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Josue 23:1

Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

1 Pierre 3:12

Kayam Ma didina iram nga tinda yam suma d’ingêrâ, nga mi hum tchen mazid’a mi. Wani mi nga mi mbut azigam mi suma le tchod’a.