2 Sunda Hamuleinid’a 14:2 - Bible azumeina

² Mi to yima teteng ma ngal ahle suma ngat buzuna malona hi suma dingîna ki yam ma nding ma tetengâ woyo, mi to gongîyo suma a minizi mi fileinina kagu ma murguli ma a puma woi mi.

2 Sunda Hamuleinid’a 14:2 ပူးပေါင်းရင်းမြစ်များ

1 Amuleina 15:11

Asa mi le Ma didina tam djivid’a d’igi abum ngolo David na.

1 Amuleina 15:12

Mi dik andjuvei suma gaulangâ karop suma gaulangâ woyo, mi b’lak filei ma abuyom ngolo a yoroma woi pet mi.

1 Amuleina 15:14

Wani mi b’lak nga yima nding ma a tinim iram vama woi d’i. Hina pet pî, kid’a Asa mi nga ki iramba tua d’a, nga mi le yam Ma didina ki hurum tu.

2 Sunda Hamuleinid’a 14:1

Asa mi le sun nda djivi d’a d’ingêra avok Ma didina Alo mama.

2 Sunda Hamuleinid’a 14:3

Mi he vuna mi suma Juda-na ala a kud’orî Ma didina Alona habuyozi ngolona, a tit yam gat mamba ki vun mam ma hed’a mi.

2 Sunda Hamuleinid’a 15:16

Amulâ Asa mi pat asum ngolo Mäka woi kur amul mata, kayam ti yor fileina malo d’a a yat ala Asera-d’a, mi he vuna ala a b’lak filei máma woyo, a mbud’um d’igi gugud’upa na, a ngalam mbei avun toliyon nda Kedron-nda.

2 Sunda Hamuleinid’a 17:6

Mi tin hurum á tit kur lovota hi Ma didinid’a, mi pleî yima ndingâ kagu ma murguli ma a pum malo d’a a yat ala Asera-d’a woi kur azì ma Juda-na mi.

2 Sunda Hamuleinid’a 20:32

Mi le sun nda d’ingêra d’igi abum Asa na, mi lahle suma djivina avok Ma didina mi.

2 Sunda Hamuleinid’a 21:12

Bur tu, mbaktumba ti tcholï abo Elie ma djok vun Alona, ti fumu, mi dum ala: Ma didina Alona habung ngolo David-na mi dala: Ang tit nga yam lovota habung Josafat-ta ki d’a hi Asa amul ma Juda-nid’a d’i,

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

2 Sunda Hamuleinid’a 31:20

Ezekiyas mi lahle ndazina kur azì ma Juda-na pet, mi lahle ndazina ki djivid’a ki d’ingêra ki gagazid’a avok Ma didina Alo mama.

2 Sunda Hamuleinid’a 34:7

Mi to yima ngal ahle suma ngat buzuna mi fileina ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a ki filei ma teteng ma a tched’ema kä woi kikizek, mi mbud’uzi d’igi andaga d’a gugud’upa na, mi to filei ma afat ma tetengâ kä woi kur ambasa pet, tua ba mi hulong avo Jerusalem.

Buzuk ka Abud’a 23:24

Ata yi máma agi grivigi kä avok alo mazina á kud’urom mbi, agi lagi fileina d’igi azi nga le na d’uo mi. Wani agi b’lagagi alo mazina woyo, agi tozi filei mazi ma tcheta woi kakaf mi.

Wana ni Zla d’a Djivi d’a Luc mi b’irita 1:75

kayam ei kagei suma mi tini irei vei suma d’ingêrâ avorom burâ ki burâ kur tit meid’a.

Gat ta a hat á mbàd’id’a 12:3

Agi pleyêgi yi mazi ma teteng ma ngal ahle suma ngat buzuna woyo, agi togi ahuniyô suma a tched’ezi a tinizi á kud’urozina woyo, agi ngalagi filei mazina woi kakud’a, agi tozi angus ahle mazi suma azi tched’ezi d’igi alo mazina na na woyo, agi blazazi simiyêzi woi yam ambas ndata.