2 Sunda Hamuleinid’a 13:7 - Bible azumeina

⁷ Suma yazi nga d’uo suma hawa ya’â a tok ad’umu, a kus yam Robowam Salomon goroma, kayam Robowam mi ni gogorâ bei ned’a, mi ndak á tchol avorozi ngingring ngi.

2 Sunda Hamuleinid’a 13:7 ပူးပေါင်းရင်းမြစ်များ

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

2 Sunda Hamuleinid’a 10:16

Ata yima Israel-lâ pet a wala amulâ mi min nga zla mazid’a d’uo da na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

2 Sunda Hamuleinid’a 12:13

Robowam mi fad’enga, mi tamula avo Jerusalem. Ata yima mi kak amulina, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

Wana ni mbaktumba hi Job-pa 30:8

Azi ni suma lili suma zlazi nga d’uo suma a digizi woi yam ambasa ki tod’ina.

Sawal la giled’a 26:4

An nga ni kak zlapa ki suma ka zlad’a d’i, an nga ni tit ki suma mbut ira d’uo mi.

Zla d’a d’ogolâ 12:11

Sama mi zum asine mamina mba mi hop ki tena, wani sama mi tit bugol ahle suma hawa ya’îna ni sama bei wäd’u zlad’a ba na.

Zla d’a d’ogolâ 28:19

Sama nga mi zum asinema mba mi fe tena ngola, wani sama mi tit bugol ahle suma hawa ya’îna, mi nde ni houd’a.

Ma tchi wala 10:16

Ni zla d’a hohoud’a yam ambas sa amul matna mi gogora tua d’a mat suma sunda a kal yazi ata yima tena ki yorogo deid’a.

Isai 3:4

Ma didina mi dala: An mba ni tinizi gugureina amuleina kaziya, kem mba gureid’a a mba te kazi mi.

Sunda hi suma a sunuzinid’a 17:5

Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

Gat ta a hat á mbàd’id’a 13:13

Suma zlazi nga d’uo na a tchol adigagi á lop suma a nga kaka kur azì ma ngolîna ala: Ar ei i kud’orei alo ma ding ma tetengâ, nala, ma agi wum nga yagi tu d’uo na ni,

Wana ni mbaktum mba Paul mi b’irit mi Tit-ta 1:10

Suma tchila yam gata a nga ablaud’a, ni suma bei hum vuna, ni suma lop suma ki zla mazi d’a de d’a hawa yakina. Ablawazi ni Juif suma a mbut huruzina.

Hebre-na 5:12

Kayam agi lagi bizad’a ngola, agi ndak á hat suma, wani agi nga minigi sama ding á had’agi zla d’a adjeu d’a agi humut avun Alonid’a kua. Djivid’a agi tagi navuna, wani agi minigi nambira á tched’a.

Suma ka sariyad’a 11:3

Jefte mi ring ngei dei ki b’oziyoma, mi i kak sä yam ambas sa Top-pa. Suma hawa ya’â a tok gevemu, a i ki sed’em durâ mi.

Suma ka sariyad’a 9:4

Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.

1 Samuel 22:2

Suma pet suma nga kur ndakina ki suma a nga ki balâ kazina d’oze suma tazi nga lazi zlezleû d’uo na, a tok gevemu; mam mbut ma ngol mazina. Suma ki sed’ema a ni go ki kikis fid’i.