2 Sunda Hamuleinid’a 13:12 - Bible azumeina

¹² Gola! Alona mi nga ki sed’emiya, mi nga mi tit avoromiya, mam suma ngat buzuna a nga kaduvei suma tchina á bud’a á tagami lovota á dur ayîna ki sed’egiya. Agi Israel-lâ, ar agi durugi ayîna ki Ma didina Alona habuyogi ngolona d’i, kayam agi ndak á kus kam mbi.

2 Sunda Hamuleinid’a 13:12 ပူးပေါင်းရင်းမြစ်များ

2 Sunda Hamuleinid’a 24:20

Ata yi máma Muzu’â hAlonina mi mba yam Zakari ma ngat buzuna Jehojada goroma, mi tchol akulo avok suma, mi dazi ala: Alona mi dala: Ni kayam me ba, agi tchilagi yam vun ma hed’a hi an Ma didinina ge? Agi mba fagi djivid’a d’i. Kayam agi noyôn an Ma didina woyo, an mba ni noyôgi woi mi!

2 Sunda Hamuleinid’a 32:8

Suma a nga ki sed’ema a ni suma hawa, wani ma nga ki sed’eina ni Ma didina Alo meina. Ni mam ba, mba mi ndjuni kur ayî ma durâ. Ablau suma pet a he gagazid’a yam zla d’a Ezekiyas amul ma Juda-na mi data mi.

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Sawal la giled’a 20:7

Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Isai 45:9

Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Jeremi 2:37

Agi mba buzugugï sä kua yagi tchoka kä, kayam an Ma didina nga ni noî suma agi tinigi hurugi kazina woyo, agi mba fagi djivid’a atazi d’uo mi.

Jeremi 50:24

Ang azì ma Babilon-na, an gun wa dauna kä kangû, mba mi vang bei ang we ba. Ata yima a fangâ, a mba vangû, kayamba ang dur ki an Ma didinid’a.

Ezekiyel 17:9

Ang dazi ala: Salad’a Ma didina mi dala: Guguzlu ndata mba d’i ruî avogovok su? B’aru ma avo’â mba mi pad’at sideyet tei ki vud’ut tala ti so woi ki humat ped’u d’a d’uo zu? Mba mi hal ad’eng nga ngol loze suma ablaud’a á pad’at tei ki sidiyet ti.

Zakari 10:5

Azi mba mbut ni d’igi grang suma durâ na, a mba miret suma a duruzina kä kasezi d’igi a miret lubuna kä kur lovota na, a mba duruziya, kayam an Ma didina mba ni kak ki sed’eziya. Suma djang akulumeina hi mazi suma djangûnina a mba mbut zulona.

Ndumba 14:41

Moise mi dazi ala: Ni kayam me ba, agi tchilagi yam vun ma hed’a hi Ma didinina ge? Agi mba ndagagi d’i.

Ndumba 23:21

Mi we nga tchod’a ata andjafâ hi Jakob-ma d’i. Mi we nga bei d’ingêra ata Israel-lâ d’uo mi. Ma didina Alo mazina mi nga ki sed’eziya. A nga hum del la subur amulâ nadigaziya.

Ndumba 31:6

Moise mi sun suma durâ dudubu ad’u andjafâ gagang zlapa ki Fines ma ngat buzuna Elazar goroma, ni ma nga mi zi ahle suma a tinizi irazi vazina kadif fa a but á durîd’a mi.

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Gat ta a hat á mbàd’id’a 28:29

Afata falei d’ad’ar pî, agi mba lamagi ahlena kur nduvunda d’igi sama duka mi lam ahlena kur nduvunda na; ahle suma agi ngagi hurugi kazina, agi mba fazi d’i; suma a mba djobogi vunagi ki burâ pet, a mba hurumugi mi. Wani sama mba mi ndjunugina nga d’i.

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.