2 Sunda Hamuleinid’a 12:1 - Bible azumeina

¹ Ata yima Robowam leu mamba fad’enga mam tamba mi sira ngingi mi na, mi ar gata hi Ma didinid’a woyo. Israel-lâ pî a ar gata hi Ma didinid’a woi ki sed’em mi.

2 Sunda Hamuleinid’a 12:1 ပူးပေါင်းရင်းမြစ်များ

1 Amuleina 12:17

Wani Robowam mi tamula ni yam Israel suma a nga kaka kur azì ma nglo ma Juda-nina hol.

1 Amuleina 14:21

Kid’a Robowam Salomon goroma mi kak amula yam suma Juda-nid’a, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

1 Amuleina 9:9

Azi mba hulong dazi ala: Ni kayamba Israel-lâ a ar Ma didina Alo mazi ma mi buzugï abuyozi ngolo woi kur andaga d’a Ezipte-d’ina woi d’a. Ni kayamba azi i bugol alo ma dingâ teteng á lum sunda, á grif kä avorom á kud’uromba. Ni kayam ndata ba, Ma didina mi mbazi ndak ndata kazi wana!

2 Amuleina 17:19

Wani suma Juda-na tazid’a pî a ge nga yazi kä ad’u vun ma hed’a hi Ma didina Alo mazinina d’i, azi hle ni zla d’a Israel-lâ a lata.

2 Sunda Hamuleinid’a 11:17

Azi had’enga mi leu d’a Juda-d’a, a sira Robowam Salomon goroma gak bizad’a hindi, kayam a tit bizad’a hindi kur lovota hi David-ta ki d’a hi Salomon-nda.

2 Sunda Hamuleinid’a 11:23

Mi nga ki d’alâ á b’rau grom suma dingâ woi kur azì ma nglo ma ad’eng ma ngungu ma yam andaga d’a hi Juda-d’a ki d’a hi Benjamin-ndina pet, mi hazi tena ngola, mi vigizi aropma ablaud’a mi.

2 Sunda Hamuleinid’a 11:3

Ang i de mi Robowam Salomon goroma amul ma Juda-na ki Israel suma a nga kaka aduk suma Juda-na aduk suma Benjamin-nina ala:

2 Sunda Hamuleinid’a 12:13

Robowam mi fad’enga, mi tamula avo Jerusalem. Ata yima mi kak amulina, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

2 Sunda Hamuleinid’a 24:18

A ar gong nga kud’ora hi Ma didina Alona habuyozi ngolonid’a woyo, a i kud’or alo d’a a yat ala Asera-d’a ki fileina mi. Ata yi máma Ma didina hurum zal yam suma Juda-na ki suma Jerusalem-ma, kayam a mbut tazi tchod’a avoromu.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Wana ni mbaktumba hi Oze-d’a 13:1

Ata yima suma Efraim-ma a de zlad’ina, suma pet a le mandarâ. A hle yazi akulo yam andaga d’a Israel-la, wani a kud’or Bäl, zlad’a vaziya, a bo.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Gat ta a hat á mbàd’id’a 32:18

Gagazi, agi Israel-lâ, agi maragi woi yam ahina d’a ndjunugid’a, agi maragi woi yam ma tchugugina, agi gologi Alo ma hagi arid’ina is mi.

Suma ka sariyad’a 2:15

Ata yima lara ma azi nga i abagei durîna, Ma didina mi arazi abo mazi suma djangûna á lazi tchod’a d’igi mi de na, d’igi mi gunuzi tam na mi. Kayam ndata, azi nga kur hohoud’a ngola.