2 Sunda Hamuleinid’a 11:15 - Bible azumeina

¹⁵ Jerobowam mi man suma ngat buzuna á kud’or alo ma hawa yak ma hle tam d’igi mbekmberena d’oze amuhlâ na ma mam tinim iram vam ata yima ndingîna.

2 Sunda Hamuleinid’a 11:15 ပူးပေါင်းရင်းမြစ်များ

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

1 Amuleina 12:31

Jerobowam mi min gong nga kud’ora ata yima ndingâ, mi man suma ngat buzuna aduk suma a nga nandjafâ hi Levi-na d’uo na.

1 Amuleina 13:33

Bugol ahle ndazina hina pet pî, Jerobowam mi ar nga tcho mam mba led’a d’i, nga mi i avogovogo, mi man suma ngat buzu suma dingâ ata yima ndingâ. Le sana mi min á le sun ndata ni, mam tinim iram vamu, mi mbud’um ma ngat buzuna ata yima ndingâ.

1 Amuleina 14:9

Ang le tchod’a kal suma avorongâ pet, ang i yor alo ma dingâ teteng á zalan hurunu, ang aran ndei ang han azigang mi.

2 Sunda Hamuleinid’a 13:8

Ki tchetchemba, agi djib’eregi ala agi hlagi leu d’a Ma didina mi hat mi David andjavamba, agi yogi azigarâ ablaud’a, agi nga kamuhl ma lor ma Jerobowam mi yorogizi d’igi alona na na mi.

2 Sunda Hamuleinid’a 13:9

Agi digigi suma ngat buzuna hi Ma didinina andjafâ hi Aron-na ki suma hi Levi-na woyo, agi tinigi suma ngat buzuna d’igi suma yam ambas sa dinga a nga le na. Nge nge pî, mi mba kamuhl ma azongâ ki gamlâna kid’iziya á tinim ki kur sun nda ngat buzuna malo mala nAlona d’uo na.

Buzuk ka Abud’a 32:31

Moise mi hulong gen Ma didina, mi dum ala: Hiye! Sum ndazina a le wa tcho d’a ngola, a yora wa alo ma lora yam taziya.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Gat ta a hat á mbàd’id’a 32:17

Azi nga ngat buzuna mi muzuk ma tcho ma fileina, malo mala nAlo ma gagazina d’uo na, malo ma a wum nga d’uo na, malo ma awili ma abuyozi ngolo a wum nga d’uo na mi.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.