2 Sunda Hamuleinid’a 11:11 - Bible azumeina

¹¹ Robowam mi ngui azì ma nglo máma ki gulumun ma ad’engâ, mi tin suma te yamba kua, mi ngom ahle suma tena ki mbulâ ki süm guguzlud’a kua mi.

2 Sunda Hamuleinid’a 11:11 ပူးပေါင်းရင်းမြစ်များ

2 Sunda Hamuleinid’a 11:10

Sora, Ajalon ki Hebron. Azì máma pet nazì ma nglo ma ad’eng ma ngungu ma yam andaga d’a Juda-d’a ki d’a Benjamin-ndina.

2 Sunda Hamuleinid’a 11:12

Kur azì ma nglo máma, ma lara pî mi nga ki mboriyo suma nglona kasubiyona kua. Ni kayam azì ma ad’eng máma ba, mam fad’enga á te yam suma hi Juda-na ki suma hi Benjamin-na mi.

2 Sunda Hamuleinid’a 11:23

Mi nga ki d’alâ á b’rau grom suma dingâ woi kur azì ma nglo ma ad’eng ma ngungu ma yam andaga d’a hi Juda-d’a ki d’a hi Benjamin-ndina pet, mi hazi tena ngola, mi vigizi aropma ablaud’a mi.

2 Sunda Hamuleinid’a 17:12

Josafat simiyêm nga mi yi avogovogo, mi min azì ma ad’engâ kur Juda kazì ma nglona á ngom ahle suma tena kua mi.

2 Sunda Hamuleinid’a 17:19

Wana ni azigar suma sun suma hamulâ suma avo Jerusalem-ma. Suma ding suma a nga woi kur azì ma nglo ma ad’eng ma ngungu ma Juda-na a nga woi kua tua mi.

Ezekiyel 37:16

Ang gor sana, ang hlaguna tu, ang b’ir atam ala: Wana ni mi Juda ki Israel suma a zlap ki sed’ema. Bugola, ang hlagu ma dingâ, ang b’ir atam ala: Wana ni Josef Efraim abum ki Israel suma a zlap ki sed’ema mi.