2 Samuel 19:27 - Bible azumeina

²⁷ Wani mi tchugun zlad’a kan an azong mangâ avorong ang salana amul mana. Wani ang salana, amul mana, angî d’igi malaikana hAlonina na. Ang le vama nde irang á led’ina.

2 Samuel 19:27 ပူးပေါင်းရင်းမြစ်များ

2 Samuel 14:17

An wei manga ni de kurun ala zlad’a hi ang salana amul manid’a mba d’i b’lengên hurunu, kayam angî d’igi malaikana hAlonina na. Ang nga kaka go á hum zla d’a djivid’a ki zla d’a tchod’a mi. Ar Ma didina Alo mangâ mi kak ki sed’engû!

2 Samuel 14:20

Azong mangâ Jowap mi le ni lemba ki zla ndata á le vama dingâ. Wani ang salana, angî ma ned’a d’igi malaikana hAlonina na á wahlena pet suma a nga le yam andagad’a ka hina.

2 Samuel 16:3

Amulâ mi dum ala: Salangâ goroma mi nga ni lara ge? Siba mi hulong de mamulâ ala: Mi ar sä kaka Jerusalem, kayam mi dala ki tchetchemba Israel-lâ a hulongôm amula habum ngolo Saul-la.

2 Samuel 16:4

Amulâ mi de mi Siba ala: Gola! Ahlena hi Mefibäl-lâ pet a arî mangâ. Siba mi dala: An grif kä avorongû, salana, amul mana. Ar ang van atang ki djivid’a!

2 Samuel 19:17

Mi nga ki suma Benjamin-na ad’um dubu zlapa ki Siba azongâ hi Saul-lâ ad’um ki groma dogo yam vahl, azungeî mama dok mbà mi. A mbaza avun alum ma Jurdê-na avok amulâ David.

2 Samuel 9:13

Mefibäl mi ka’î avo Jerusalem, kayam mi te ni yam tabulâ hamulîna burâ ki burâ. Wani asem djak ni gugutud’a.

2 Samuel 9:3

Amulâ mi djobom ala: Na ni sama ad’u andjafâ hi Saul-lâ ar nga d’uo zu? An min lum djivid’a hAlonid’a. Siba mi hulong dum ala: Jonatan goroma nga tu, mi ni gugutud’a.

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Sawal la giled’a 15:3

Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

Buzuk ka Abud’a 20:16

Ar ang le glangâs ma aboina yam ndrangâ d’i.

Jeremi 9:4

Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

1 Samuel 29:9

Akis mi hulong dum ala: An wang ang iran djivid’a ni d’igi malaikana hAlonina na. Wani azigar suma nglo suma Filistê-na a dala: Ar mi i ki sed’ei ata yima dur ayîna d’i.