2 Korente-na 9:8 - Bible azumeina

⁸ Alona mi ndak á hagi ahle suma djivi suma lara ge pet, kayam agi fagi ahle suma ndagagina burâ ki burâ, kayam agi hagi ngola á le ki sun nda djivi d’a lara ge pet mi.

2 Korente-na 9:8 ပူးပေါင်းရင်းမြစ်များ

2 Sunda Hamuleinid’a 25:9

Amasiya mi de mi sana hAlonina ala: An mba ni fe ni me yam bege man nda hap pa go ki tonna hindi d’a an hat mi azigar suma Israel-lîd’a ge? Sana hAlonina mi hulong dum ala: Ma didina mi nga kad’enga á hang bege d’a kal ndatid’a!

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Zla d’a d’ogolâ 10:22

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

Zla d’a d’ogolâ 11:24

Sama nga mi he bei djib’era ba na, ahligiyem nga zul avogovok ngola, wani sama abom nga mi he woi d’uo na, mi mbut ni tam houd’a.

Zla d’a d’ogolâ 28:27

Sama nga mi hahlena mi suma houd’ina, nga mi kid’ak ki, wani sama nga mi duk iram mbei kazina suma ablaud’a a mba gum vuna.

Zla d’a d’ogolâ 3:9

Ang he ngola mi Ma didina ki bege manga kahle mang suma a ne avo’â ki suma a vut avo’â pet mi.

Wana ni mbaktumba hi Aze-d’a 2:8

Bege d’a hapa ni manda, lora ni manda mi.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Sunda hi suma a sunuzinid’a 9:36

Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 13:3

Kayam agi min á we zla d’a ded’a hi Christ sa an nga ni data, agi mba wad’u. Ni Christ ma nga amangeîd’a adigagi d’uo na, nga mi tak ad’eng mamba woi adigagi mi.

2 Korente-na 8:19

Wani kayam ndata go d’i, wani Tok ka tetenga ti manam á tit zlapa ki sed’emiya. Hina mi mba mi ndjunumi á b’rau he d’a hawa d’a suma ndata yam subura hi Salad’id’a, á tak kei abu ala ami minimi á ndjun b’oziyoi suma a nga kur kid’akina mi.

2 Korente-na 8:2

Azi nga kur kuka ngola; hina pî, azi nga le furîd’a ngola. Azi ni suma houd’a pî, a he he d’a hawad’a ngola.

2 Korente-na 8:7

Agi ndagagi yam ahlena pet, kur he gagazid’a, kur zla d’a ded’a ki wed’a ki zlezleûd’a ki o d’a agi nga lat kamid’a. Kayam ndata, ar agi igi avogovok kur sun nda suma ndata mi.

2 Korente-na 9:11

Hina wani, mba mi mbud’ugi suma ndjondjoîna kur ahlena pet ndak á he he d’a hawad’a ngola bei gigrita tala suma a le mersi mAlona yam he d’a hawa magi d’a azi fat abomid’a d’a.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Filip-ma 4:11

An de hina, nala, an kid’ak va d’i, kayam an hat á kak ki furîd’a kur ahle suma a nga lana.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

2 Tasaloni’â 2:17

mi b’lengêgi hurugiya, mi siragi ngingring á le sunda djivi d’a lara ge pet ki zla d’a djivid’a.

2 Timote 2:21

Le sama wal tam mbei kahle suma tcho suma an dang kazina ni, mam mba mi mbut ni dei ma djivi ma Salama mi ndak á le sun nda djivi d’a lara ge pet ki sed’ema.

2 Timote 3:17

kayam sana hAlonina mi ndak memet á min tam á le sun nda djivi d’a lara ge pet.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.