2 Korente-na 9:7 - Bible azumeina

⁷ Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

2 Korente-na 9:7 ပူးပေါင်းရင်းမြစ်များ

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

1 Sunda Hamuleinid’a 29:9

Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.

Buzuk ka Abud’a 25:2

Ang de mi Israel-lâ ala a mban he d’a hawad’a. Agi vagi he d’a hawad’a abo nge nge pî ma hat ki min mambina.

Buzuk ka Abud’a 35:5

Agi pad’agi vun ahle magina mi Ma didina. Suma pet suma a nga ki hur ma djivinina a mba ki he d’a hawa d’a teteng nga azi pad’at mi Ma didina ndata, nala, lora, kawei ma hapma, kawei ma hleuna,

Zla d’a d’ogolâ 11:25

Sama mi le djivid’a mi sumina, mba mi mbut sama duzîna, sama nga mi he mbiyo ma tched’a mi sumina, a mba hum mbiyo ma tched’a mi.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Isai 32:5

A mba he ngola mi suma lilid’a d’i, d’oze a mba yi suma mbut ira ala ni suma djivina d’uo mi.

Isai 32:8

Wani sama djivina mi nga hurumî yam vama djivina, nga mi ve tam ad’enga yam nga hur mam ma djivina mi.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

Gat ta a hat á mbàd’id’a 15:14

Agi hum he d’a hawa d’a aduk d’uwar magi ma gureinid’a, aduk awu magina kä avun ambid’a’â, aduk süm guguzlu magid’a ata yima mired’et kuana. Agi hum ahle magi suma djivi suma Ma didina Alo magina mba mi b’e vunam kagi ki sed’ezina.

Filemon 1:14

Wani bei djib’er manga an min le va tu d’i, kayam an min djivi manga mbut ni vama an lang kad’enga kat ti, wani ni kur min manga.

Jacques 5:9

B’oziyona, agi guruyôgi tagi tala Alona mi ka sariyad’a kagiya d’a d’i. Kayam Ma ka sariyad’a mi nga go avun agre’â.

1 Pierre 4:9

Agi lagi akoina bei gureîd’a.