2 Korente-na 9:13 - Bible azumeina

¹³ Ata yima azi mba we sun magi d’a le d’a djivi ndatina, a mba subur Alona, kayamba agi gagi yagi kä ad’u Zla d’a Djivid’a hi Christ-sa d’a agi nga tagat tei abu avok sumid’a. Azi mba subur Alona yam he d’a hawa magi d’a agi nga b’rawat adigazi aduk suma dingâ pet mi d’a.

2 Korente-na 9:13 ပူးပေါင်းရင်းမြစ်များ

Sawal la giled’a 50:23

Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 9:8

Ata yima ablau suma a wahle ndazina hina na, a le mandarâ, a subur Alo ma had’eng nga hina d’a mi sumina.

Wana ni Zla d’a Djivi d’a Luc mi b’irita 6:46

Jesus mi had’azi kua ala: Ni kayam me ba, agi nga yan ala Salamina, Salamina, wani agi lagi vama an dagi kama d’uo ge?

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 4:21

Azi ngobozi kua, a araziya, kayam a fe nga lovota á lazi va d’i, kayam suma pet a nga gile Alona yam vama lena,

Romê-na 10:16

Wani suma pet a ge nga yazi kä ad’u Zla d’a Djivid’a d’i. Kayam Isai mi dala: Salad’a, ni nge ba, mi he gagazid’a yam zla d’a ami tchat walata ge?

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

Romê-na 15:31

Ar agi tchenegi Alona ala mi prud’un ndei abo suma bei he gagazi suma Jude-na, kayam he d’a hawa d’a an nga ki sed’et á it mi suma hAlona suma Jerusalem-mid’a a vat ki djivid’a mi.

Romê-na 16:26

Wani ki tchetchemba, zla d’a muduri ndata a ndat tei kur mbaktumba hi suma djok vun Alonid’a. Alo ma didina mi he vuna ala a tagat tei mandjaf suma pet, kayam a he gagazid’a, a ge yazi kä ad’um mi.

2 Korente-na 10:5

kahlena pet suma a nga le yam mba ad’enga á kak djangûna ki wed’a hAlonid’ina, ami nga mbud’umi djib’er ra lara ge pet kä á ge yat kä ad’u Christ.

2 Korente-na 2:12

Kid’a an mba avo Trowas á tchi wal Zla d’a Djivid’a hi Christ-sid’a, Salad’a mi mal lovota avoron á le sunda ngola.

2 Korente-na 8:4

ami hazi lovota á zlap darigïd’a ki suma a nga ndjun suma hAlona suma a nga kur ambas sa Jude-d’ina.

2 Korente-na 9:14

Azi mba le od’a ngola kagiya, a mba tchen Alona kagi yam suma d’a ngola hAlona d’a agi nga ki sed’eta mi.

Galat-na 1:24

Azi subur Alona ngola yam zla manda.

1 Timote 6:12

Ang dur ayî ma djivina yam he gagazid’a á ve ari d’a didin nda Alona mi yang kat ata yima ang de woi avok suma glangâsâ ablaud’ina.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Wana ni mbaktum mba a b’irit yam Rut-ta 2:19

Akunota ti djobot ala: Ndak tchï helena ini ni lara ge? Ndak le sunda nasine hi nge ge? Ar Alona mi b’e vunam yam sama mi wak hohowo’â. Rut ti vad’ud’a makunota yam ahle suma a le ki sed’etna, ti dat ala: Sama an leï sunda asine hatama a yum ala Bowas.