2 Korente-na 8:18 - Bible azumeina

¹⁸ Ami nga sunumi wiyei ma Toka pet nga d’i yorom kayam wal mam mba tchid’a yam Zla d’a Djivid’ina zlapa ki Tit mi.

2 Korente-na 8:18 ပူးပေါင်းရင်းမြစ်များ

Romê-na 16:4

Azi he tazi woi kanu, wani nga ni an hol ba, nga ni lazi mersi d’i, wani Tok ka aduk andjaf suma dingîd’a pet nga d’i lazi mersi mi.

1 Korente-na 16:3

Fata an mbazid’a, an mba ni sun suma agi manazina ki mbaktum mba depa ki he d’a hawa magid’a mi suma Jerusalem-ma.

1 Korente-na 4:17

Kayam ndata, an nga ni sunugi sä Timote goron ma an hurun vum heîna, ni ma d’engzengâ yam Salad’a mi. Mam mba mi vagi ad’ud’a yam tit man nda zlapa ki Christ-sa. Tit ndata ni hat ta an nga ni hat suma kur Toka lara ge peta mi.

1 Korente-na 7:17

Wani ar nge nge pî mi tit yam he d’a hawa d’a Salad’a mi humzid’a d’igi Alona mi yum na mi. An nga ni he vuna hina mi suma Toka pet.

2 Korente-na 12:18

An tchen Tit á iza hatagiya, an sun wiyei ma agi wuma ki sed’em mi. Na ni Tit mi hle va magi zu? Na ni an ki mam djib’er mamid’a ni tu d’uo zu? Tit mamid’a ni tu mi d’uo zu?

2 Korente-na 2:12

Kid’a an mba avo Trowas á tchi wal Zla d’a Djivid’a hi Christ-sid’a, Salad’a mi mal lovota avoron á le sunda ngola.

2 Korente-na 8:19

Wani kayam ndata go d’i, wani Tok ka tetenga ti manam á tit zlapa ki sed’emiya. Hina mi mba mi ndjunumi á b’rau he d’a hawa d’a suma ndata yam subura hi Salad’id’a, á tak kei abu ala ami minimi á ndjun b’oziyoi suma a nga kur kid’akina mi.